Kanté fær einnig sádiarabískt gylliboð

Það samsvarar rúmum fimmtán milljörðum íslenskra króna, en samningur hins 32 ára gamla Kantés við Chelsea rennur út í næsta mánuði.

Það er félagsskiptasérfræðingurinn Fabrizio Romano sem greinir frá tilboði tveggja sádiarabískra liða í Kanté á vef The Guardian. Þar segir að bæði Al-Ittihad og Al-Nassr hafi áhuga á því að fá Kanté í sínar raðir, en bæði Al-Ittihad og Al-Nassr eru í eigu PIF, opinbers fjárfestingasjóðs Sádi-Arabíu.

Cristiano Ronaldo er leikmaður Al-Nassr og Karim Benzema er að öllum líkindum á leið til Al-Ittihad.

Eins og áður segir er Kanté sagður hafa fengið boð sem myndi skila honum allt að hundrað milljónum evra í árslaun. Kanté fengi þó ekki allan þennan pening aðeins fyrir það að spila fótbolta, heldur myndi leikmaðurinn einnig meðal annars fá greiddar auglýsingatekjur.

N'Golo Kante hefur verið hjá Chelsea frá árinu 2016 og hefur hann leikið 190 deildarleiki fyrir félagið. Með liðinu hefur hann unnið allt sem hægt er að vinna, þar á meðal ensku úrvalsdeildina og Meistaradeild Evrópu.

Meiðsli hafa þó sett strik í reikninginn hjá leikmanninum og hann kom aðeins við sögu í níu leikjum á nýafstöðnu tímabili.