Árni kom ekki við sögu í toppslag

Zalgiris tók á móti Siauliai í dag en liðin voru í öðru og þriðja sæti fyrir leikinn á eftir toppliði Panevezys, Zalgiris var fimm stigum á eftir toppliðinu en Siauliai í öðru sæti þremur á eftir.

Það voru gestirnir í Siauliai sem byrjuðu betur og voru komnir í 2-0 forystu eftir tæpan hálftíma. Mathias Oyewusi minnkaði muninn skömmu síðar og sjö mínútum fyrir leikslok tókst Yuri Kendysh að jafna metin.

Lokatölur 2-2 og Panevezys því með tveggja stiga forskot á Siauliai en Árni og félagar í Zalgiris eru í þriðja sæti fjórum stigum frá toppsætinu.

Árni gekk til liðs við Zalgiris í febrúar en hefur fá tækifæri fengið að undanförnu.