Amanda bauð upp á Cryuff takta og Hlín skoraði með hælnum

Eftir sigurinn þér eru stelpurnar hennar Elísabetu Gunnarsdóttur í þriðja sæti deildarinnar með tvo sigra í röð og þrjá sigra í fyrstu fjórum leikjum tímabilsins.

Amanda Andradóttir lagði upp fyrsta mark Kristianstad í leiknum fyrir Therese Ivarsson og Hlín Eiríksdóttir skoraði síðan tvívegis í seinni hálfleiknum og gerði endanlega út um leikinn.

Íslensku stelpurnar buðu upp á frábær tilþrif sem rötuðu inn á samfélagsmiðla Kristianstad.

Áður en Amanda gaf stoðsendinguna á Ivarsson þá snéri hún frábærlega á varnarmann Uppsala eins og við þekkjum best frá hollensku knattspyrnugoðsögninni Johani Cruyff.

Markið kom strax á fjórtándu mínútu leiksins og breytt miklu fyrir Kristianstad liðið.

Hlín skoraði bæði mörkin sín í seinni hálfleiknum en annað markið hennar skoraði hún með laglegri hælspyrnu.

Hér fyrir neðan má sjá þessi frábæru tilþrif frá íslensku landsliðskonunum.