Elvar og félagar skoruðu fyrstu fimm stig leiksins gegn Jonava og liðið leiddi í raun allan leikinn. Rytas var með sex stiga forskot að loknum fyrsta leikhluta og munurinn var kominn upp í 14 stig þegar fyrri hálfleik lauk, staðan 40-54.
Gestirnir í Rytas hleyptu heimamönnum svo aldrei almennilega inn í leikinni í síðari hálfleik og unnu að lokum öruggan 25 stiga sigur, 81-106.
Elvar skoraði níu stig fyrir Rytas í leik dagsins og tók auk þess tvö fáköst og gaf sjö stoðsendingar. Liðið situr nú í öðru sæti deildarinnar með 23 sigra í 29 leikjum, tveimur sigrum minna en topplið Zalgiris Kaunas.
Solid win! pic.twitter.com/BWOsW6PDXw
— BC RYTAS Vilnius (@RytasVilnius) April 23, 2023
Þá máttu Tryggvi Snær Hlinason og félagar hans í Zaragoza þola naumt fjögurra stiga tap gegn Unicaja í spænsku deildinni á sama tíma, 70-74.
Tryggvi skoraði átta stig fyrir Zaragoza, en liðið situr í 13. sæti deildarinnar með tíu sigra eftir 27 leiki.