Hel­vítis kokkurinn: Babyback rif með Bola-BBQ sósu

Helvítis kokkurinn er sýndur á miðvikudögum á Vísi og Stöð 2+. Fyrsta þáttinn í annarri þáttaröð má sjá í spilaranum hér að neðan.

Babyback rif með Bola-BBQ sósu

Uppskrift fyrir 6 manns

• 4 stk babyback rif

Marinering fyrir rif:

• 2 msk dijon
• 2 msk Helvítis Eldpiparsultan: Habanero og Appelsína
• 1 msk worchestershire
• 1 msk sojasósa

Kryddblanda á rif:

• 1 ½ msk reykt paprika
• 2 msk paprika
• ½ msk chilli pipar
• ½ msk salt
• ¼ msk timjan
• ½ msk svartur pipar
• ½ msk hvítlauksduft
• ½ msk laukduft
• ¼ msk cayenne pipar
• Börkur af heilu lime

Aðferð:

Blandið saman djion, worchester, soya og Helvítis Eldpiparsultunni saman og berið á rifin. Búið til kryddböndu samkvæmt uppskrift og kryddið rifin vel á báðum hliðum. Pakkið hverju rifi fyrir sig í sellófanplast og álpappír. Hitið ofninn í 120° og bakið rifin á ofnplötu í 100 mínútur.

Takið rif úr ofni og fjarlægið allar umbúðir varlega, vegna þess að þetta er svo helvíti heitt. Látið rifin kólna á meðan þú klárar undirbúning á öðru.

Grillið rif á grilli og penslið Bola BBQ sósunni á, eða penslið sósunni á og setjið í 220° heitan ofn í 15 mínútur.

Hrásalat:

• 200 gr hvítkál
• 100 gr rauðkal
• 4 stk radísur
• 1 heil gulrót
• 50 gr fennel
• ½ grænt epli
• 2 msk mayo
• Salt
• Pipar
• 1 msk eplaedik
• Safi úr hálfri appelsínu
• 1 msk Helvítis Eldpiparsultan: Grænn Jalapeno og Límóna

4 stk forsoðinn maís skorinn í tvennt:

• 150 gr smjör
• Salt
• Pipar
• Kóríander

Aðferð:

Grillið maís á pönnu með smjörinu þangað til hann er orðinn gullbrúnn og tilbúinn, saltið og piprið. Saxið kóríander niður og dreifið yfir áður en þið njótið.

Boli BBQ:

• 12 flöskur Boli
• 1 heill laukur
• 1 grænt epli
• 4 hvítlauksrif
• 1 msk olía
• 1 msk paprika
• 1 msk hvítlauksduft
• 2 msk sojasósa
• 4 msk worchestershire
• 2 msk teriyaki
• 2 msk dijon
• 1 dós ananas í bitum
• 50 gr tómatpurré
• 1 rauður chilli
• 1 habanero
• 1 msk shriracha
• 1 dós tómatmauk
• 2 msk eplaedik
• 1 lime kreist
• 400 gr púðursykur
• Salt
• Pipar

Aðferð:

Sjóðið allan bjórinn niður í potti í um 75-80% eða þannig að eftir sitji um það bil 800 ml af vökva. Munið að skumma froðuna ofan af vökvanum á meðan suðu stendur. Saxið lauk, hvítlauk og epli smátt niður og hitið í olíu á pönnu. Setjið rest af hráefnum út í pottinn og sjóðið í 10 mínútur. Blandið bjórnum útí og sjóðið blönduna í 30-40 mínútur. Rennið töfrasprotanum í gegnum blönduna og slökkvið undir. Smakkið til með salti og pipar.