Ekkert líkur Lagerbäck, skoðanaglaður og getur snöggreiðst Sindri Sverrisson skrifar 14. apríl 2023 11:00 Åge Hareide ku vera óhræddur við að segja sína skoðun og eiga gott með að ná til fólks. EPA/Johan Nilsson Norðmaðurinn Åge Hareide tekur við íslenska karlalandsliðinu í fótbolta með glæsta ferilskrá í farteskinu. Vísir fékk norskan blaðamann sem gjörþekkir Hareide til að kynna betur manneskjuna og þjálfarann sem á að koma Íslandi á næsta stórmót. Hareide verður væntanlega kynntur sem nýr landsliðsþjálfari Íslands í dag. Hann hefur áður stýrt bæði norska og danska landsliðinu, og unnið meistaratitla í Noregi, Svíþjóð og Danmörku. Síðast þjálfaði hann landslið þegar hann stýrði Danmörku árin 2016-2020, meðal annars á HM 2018 í Rússlandi, og tapaði liðið ekki neinum af síðustu 34 leikjum sínum undir hans stjórn. Hareide bauðst að taka við íslenska landsliðinu eftir að hann hætti með Dani en var þá búinn að semja um að taka við norska félaginu Rosenborg í annað sinn á ferlinum. En hvernig maður er Hareide? Fjölmiðlamaðurinn Knut Espen Svegaarden hjá VG hefur þekkt Hareide frá árinu 1985, þegar landsliðsferli Hareide sem leikmanns var að ljúka og þjálfaraferillinn að byrja hjá Molde. „Hann er „extróvert“. Mjög opinn maður og góður í samskiptum við fólk. Hann er mjög forvitnilegur fyrir fjölmiðla því hann hefur skoðanir á öllu og er óhræddur við að láta þær flakka. Það er nokkuð sem við fjölmiðlamenn kunnum að meta,“ sagði Svegaarden og ítrekaði að Hareide ætti gott með að ná til fólks: Vissulega 69 ára en líkt og hann sé mun yngri „Hann er vissulega 69 ára en hann talar og hagar sér eins og hann sé mörgum árum yngri. Hann er með mikla orku og á enn auðvelt með að hjálpa fólki að verða sem bestir fótboltamenn og sem bestar manneskjur. Hann hefur náð árangri í Danmörku, Svíþjóð og Noregi og virðist hafa gott lag á því að eiga við fólk.“ Það er þó ekki sjálfgefið að Hareide slái í gegn hjá íslenskum stuðningsmönnum og Svegaarden segir að Hareide sé ekkert líkur Lars Lagerbäck, sem eftir að hafa gjörbylt íslenska landsliðinu hefði sjálfsagt getað orðið forseti Íslands á sínum tíma hefði hann boðið sig fram, svo vinsæll var hann. „Ég myndi ekki segja að þeir séu sérstaklega líkir. Lars var þjálfari norska landsliðsins í fjögur ár og hann vildi spila 4-4-2 á meðan að Hareide vill spila 4-3-3, og er með mun opnari huga. En hann hefur verið svolítið umdeildur. Það kunna ekki allir við mann sem að er óhræddur við að tjá skoðanir sínar, eins og Hareide gerir. Hann er líka með skap. Hann getur orðið ansi reiður en það líður hjá á nokkrum mínútum,“ sagði Svegaarden. Meira eins og leiðtogi en þjálfari Aðspurður hvernig fótbolta Hareide væri þekktastur fyrir að láta lið sín spila sagði Svegaarden að á fyrstu árunum hefði Hareide verið ansi varnarsinnaður, sem þjálfari Molde þar sem Ole Gunnar Solskjær sá um að skora mörkin áður en hann var seldur til Manchester United. „Þetta breyttist þegar hann fór til Svíþjóðar um aldamótin og lét Helsingborg spila sókndjarfan fótbolta í 4-3-3 kerfi. Hjá danska landsliðinu var hann líka svolítið pragmatískur, það er að segja hann skildi vel mikilvægi þess að verjast líka. En hann er í raun meira eins og knattspyrnustjóri eða leiðtogi frekar en þjálfari. Hann tekur ákvarðanirnar og kann að stjórna í leikjunum,“ sagði Svegaarden. Fyrstu mótsleikir Íslands undir stjórn Hareide verða 17. og 20. júní þegar Ísland tekur á móti Slóvakíu og Portúgal á Laugardalsvelli. Landslið karla í fótbolta EM 2024 í Þýskalandi Mest lesið Missti typpið út úr buxunum en náði samt besta tíma ársins Sport Haliburton sér ekki eftir neinu: „Ég myndi gera þetta aftur og aftur“ Körfubolti Eiginkonan gaf Messi strumpaköku í afmælisgjöf Fótbolti Boston Celtics sparar sér fimm milljarða í lúxusskatt Körfubolti Reka stórlið Lyon úr frönsku deildinni Fótbolti Átján ára gömul og að verða launahæst í sænsku deildinni Fótbolti „Botafogo ekki í Bandaríkjunum til að hitta Mikka mús“ Fótbolti Vissu ekki að hún hefði skipt um landslið Sport KR-ingar í Melabúðinni um stöðu liðsins: „Verða að gyrða sig í brók“ Íslenski boltinn Staðfesta kaupin á Alberti Guðmunds Fótbolti Fleiri fréttir Átján ára gömul og að verða launahæst í sænsku deildinni „Botafogo ekki í Bandaríkjunum til að hitta Mikka mús“ Eiginkonan gaf Messi strumpaköku í afmælisgjöf Benfica vann Bayern og vann riðilinn KR-ingar í Melabúðinni um stöðu liðsins: „Verða að gyrða sig í brók“ Reka stórlið Lyon úr frönsku deildinni Höskuldur fékk tveggja leikja bann eftir ofsalega framkomu Staðfesta kaupin á Alberti Guðmunds Gefa öllum nýfæddum börnum búning félagsins Guardiola sýndi takta á ströndinni með leikmönnum sínum Þurfa að færa leik í ensku úrvalsdeildinni vegna krikketmóts Furðar sig á fjarveru Lárusar Orra: „Finnst þetta skrítið“ Ná samkomulagi um kaup á Alberti John Andrews og Björn reknir Verðug verkefni bíða Breiðabliks og Vals í Meistaradeildinni Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Bestu mörkin: Völdu draumalið Íslands á EM og engin þeirra eru eins Lofar að taka „Siu“ fagn Ronaldo ef hann skorar á móti Messi Halldór: Sundur spiluðum Fram Sjáðu slagsmálin eftir jöfnunarmark Blika Atletico Madrid situr eftir þrátt fyrir sigur Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Eigandi Jets í NFL kaupir stóran hlut í Crystal Palace Uppgjörið: Breiðablik - Fram 1-1 | Dramatík í Kópavogi Elísabet stefnir á risa afrek með Belgíu á EM Segja Hákon Arnar undir smásjá stórliðs Farnar á EM í Sviss en koma fyrst við í Serbíu Sjá meira
Hareide verður væntanlega kynntur sem nýr landsliðsþjálfari Íslands í dag. Hann hefur áður stýrt bæði norska og danska landsliðinu, og unnið meistaratitla í Noregi, Svíþjóð og Danmörku. Síðast þjálfaði hann landslið þegar hann stýrði Danmörku árin 2016-2020, meðal annars á HM 2018 í Rússlandi, og tapaði liðið ekki neinum af síðustu 34 leikjum sínum undir hans stjórn. Hareide bauðst að taka við íslenska landsliðinu eftir að hann hætti með Dani en var þá búinn að semja um að taka við norska félaginu Rosenborg í annað sinn á ferlinum. En hvernig maður er Hareide? Fjölmiðlamaðurinn Knut Espen Svegaarden hjá VG hefur þekkt Hareide frá árinu 1985, þegar landsliðsferli Hareide sem leikmanns var að ljúka og þjálfaraferillinn að byrja hjá Molde. „Hann er „extróvert“. Mjög opinn maður og góður í samskiptum við fólk. Hann er mjög forvitnilegur fyrir fjölmiðla því hann hefur skoðanir á öllu og er óhræddur við að láta þær flakka. Það er nokkuð sem við fjölmiðlamenn kunnum að meta,“ sagði Svegaarden og ítrekaði að Hareide ætti gott með að ná til fólks: Vissulega 69 ára en líkt og hann sé mun yngri „Hann er vissulega 69 ára en hann talar og hagar sér eins og hann sé mörgum árum yngri. Hann er með mikla orku og á enn auðvelt með að hjálpa fólki að verða sem bestir fótboltamenn og sem bestar manneskjur. Hann hefur náð árangri í Danmörku, Svíþjóð og Noregi og virðist hafa gott lag á því að eiga við fólk.“ Það er þó ekki sjálfgefið að Hareide slái í gegn hjá íslenskum stuðningsmönnum og Svegaarden segir að Hareide sé ekkert líkur Lars Lagerbäck, sem eftir að hafa gjörbylt íslenska landsliðinu hefði sjálfsagt getað orðið forseti Íslands á sínum tíma hefði hann boðið sig fram, svo vinsæll var hann. „Ég myndi ekki segja að þeir séu sérstaklega líkir. Lars var þjálfari norska landsliðsins í fjögur ár og hann vildi spila 4-4-2 á meðan að Hareide vill spila 4-3-3, og er með mun opnari huga. En hann hefur verið svolítið umdeildur. Það kunna ekki allir við mann sem að er óhræddur við að tjá skoðanir sínar, eins og Hareide gerir. Hann er líka með skap. Hann getur orðið ansi reiður en það líður hjá á nokkrum mínútum,“ sagði Svegaarden. Meira eins og leiðtogi en þjálfari Aðspurður hvernig fótbolta Hareide væri þekktastur fyrir að láta lið sín spila sagði Svegaarden að á fyrstu árunum hefði Hareide verið ansi varnarsinnaður, sem þjálfari Molde þar sem Ole Gunnar Solskjær sá um að skora mörkin áður en hann var seldur til Manchester United. „Þetta breyttist þegar hann fór til Svíþjóðar um aldamótin og lét Helsingborg spila sókndjarfan fótbolta í 4-3-3 kerfi. Hjá danska landsliðinu var hann líka svolítið pragmatískur, það er að segja hann skildi vel mikilvægi þess að verjast líka. En hann er í raun meira eins og knattspyrnustjóri eða leiðtogi frekar en þjálfari. Hann tekur ákvarðanirnar og kann að stjórna í leikjunum,“ sagði Svegaarden. Fyrstu mótsleikir Íslands undir stjórn Hareide verða 17. og 20. júní þegar Ísland tekur á móti Slóvakíu og Portúgal á Laugardalsvelli.
Landslið karla í fótbolta EM 2024 í Þýskalandi Mest lesið Missti typpið út úr buxunum en náði samt besta tíma ársins Sport Haliburton sér ekki eftir neinu: „Ég myndi gera þetta aftur og aftur“ Körfubolti Eiginkonan gaf Messi strumpaköku í afmælisgjöf Fótbolti Boston Celtics sparar sér fimm milljarða í lúxusskatt Körfubolti Reka stórlið Lyon úr frönsku deildinni Fótbolti Átján ára gömul og að verða launahæst í sænsku deildinni Fótbolti „Botafogo ekki í Bandaríkjunum til að hitta Mikka mús“ Fótbolti Vissu ekki að hún hefði skipt um landslið Sport KR-ingar í Melabúðinni um stöðu liðsins: „Verða að gyrða sig í brók“ Íslenski boltinn Staðfesta kaupin á Alberti Guðmunds Fótbolti Fleiri fréttir Átján ára gömul og að verða launahæst í sænsku deildinni „Botafogo ekki í Bandaríkjunum til að hitta Mikka mús“ Eiginkonan gaf Messi strumpaköku í afmælisgjöf Benfica vann Bayern og vann riðilinn KR-ingar í Melabúðinni um stöðu liðsins: „Verða að gyrða sig í brók“ Reka stórlið Lyon úr frönsku deildinni Höskuldur fékk tveggja leikja bann eftir ofsalega framkomu Staðfesta kaupin á Alberti Guðmunds Gefa öllum nýfæddum börnum búning félagsins Guardiola sýndi takta á ströndinni með leikmönnum sínum Þurfa að færa leik í ensku úrvalsdeildinni vegna krikketmóts Furðar sig á fjarveru Lárusar Orra: „Finnst þetta skrítið“ Ná samkomulagi um kaup á Alberti John Andrews og Björn reknir Verðug verkefni bíða Breiðabliks og Vals í Meistaradeildinni Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Bestu mörkin: Völdu draumalið Íslands á EM og engin þeirra eru eins Lofar að taka „Siu“ fagn Ronaldo ef hann skorar á móti Messi Halldór: Sundur spiluðum Fram Sjáðu slagsmálin eftir jöfnunarmark Blika Atletico Madrid situr eftir þrátt fyrir sigur Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Eigandi Jets í NFL kaupir stóran hlut í Crystal Palace Uppgjörið: Breiðablik - Fram 1-1 | Dramatík í Kópavogi Elísabet stefnir á risa afrek með Belgíu á EM Segja Hákon Arnar undir smásjá stórliðs Farnar á EM í Sviss en koma fyrst við í Serbíu Sjá meira