Arsenal er komið með fimm stiga forskot á toppi ensku úrvalsdeildarinnar eftir 1-0 útisigur á Leicester í dag.
Sigurinn í dag var sanngjarn. Arsenal var mun sterkari aðilinn í leiknum og Leicester átti aðeins eitt skot að marki í leiknum og það hitti ekki markrammann.
Eina mark leiksins kom strax á fyrstu mínútu síðari hálfleiks. Gabriel Martinelli fékk þá sendingu í gegnum vörnina frá Leandro Trossard og kláraði færið vel. Bukayo Saka bætti við marki í síðari hálfleiknum en það var dæmt af vegna rangstöðu.
Með sigrinum er Arsenal komið með fimm stiga forskot á Manchester City sem leikur nú á eftir gegn Bournemouth.
