Fótbolti

María lék í tapi Fortuna Sittard

Smári Jökull Jónsson skrifar
maría

Fortuna Sittard tapaði 1-0 gegn PSV Eindhoven í hollensku úrvalsdeildinni í knattspyrnu í dag. María Ólafsóttir Gros var í byrjunarliði Fortuna Sittard í dag.

María gekk til liðs við Fortuna Sittard fyrr á þessu ári en hún kom til liðsins frá Þór/KA. Fortuna Sittard var í þriðja sæti fyrir leikinn í dag en PSV í sjötta sæti.

María byrjaði leikinn á vinstri vængnum hjá Fortuna í dag en Hildur Antonsdóttir var ekki í leikmannahópi liðsins. Markalaust var í hálfleik en á lokamínútu leiksins kom eina mark leiksins þegar Esmee Brugts skoraði fyrir gestina frá Eindhoven.

Lokatölur 1-0 og Fortuna því áfram í þriðja sæti, tíu stigum á eftir Ajax í öðru sætinu og sextán stigum á eftir toppliði Twente.

Hollenski boltinn

Mest lesið


Fleiri fréttir

Sjá meira


×

Mest lesið