Lífið

Drauma­þvotta­húsið er að finna í þessu fal­lega húsi í Hafnar­firði

Elma Rut Valtýsdóttir skrifar
Þessi glæsilega eign í Hafnarfirði leitar nýs eiganda.
Þessi glæsilega eign í Hafnarfirði leitar nýs eiganda.

Við Brekkuás í Hafnarfirði stendur glæsilegt 428 fermetra einbýli á tveimur hæðum sem leitar nú nýs eiganda.

Í húsinu eru fjögur svefnherbergi, stór stofa, rúmgóð borðstofa, gestasnyrting, þrjú baðherbergi, stórar svalir til norðurs með frábæru útsýni frá efri hæð og eldhús með tvöföldum ísskáp, eyju og vínkæli. Þá er að finna rúmgóða geymslu, bílskúr og 50 fermetra gluggalaust rými sem hægt er að nota sem geymslu, hobbýherbergi eða jafnvel líkamsræktarsal.

Í húsinu er einnig að finna sannkallað draumaþvottahús. Það er einstaklega rúmgott, með nægu skápa- og vinnuplássi. Innréttingin rúmar tvær þvottavélar og þurrkara í vinnuhæð. 

Húsið er einstaklega smekklegt og bjart, með gólfsíðum gluggum sem snúa til norðurs. Úr eldhúsi er útgengt á stóran bambuspall sem vísar í suður. Þá er einnig útgengt út í garð af neðri hæð. Garðurinn er pallalagður að hluta og er með heitum potti.

Ásett verð er 214,7 milljónir en fasteignamat hússins er tæpar 183 milljónir.

Hér að neðan má sjá myndir af húsinu en nánari upplýsingar um eignina er hægt að finna á fasteignavef Vísis.

Húsið er við Brekkuás 21.
Forstofan er flísalögð með góðu skápaplássi.
Í eldhúsinu er eyja með Quarts borðplötu. Þar er að finna tvöfaldan ísskáp og vínkæli.
Útgengt er úr eldhúsi á verönd með bambuspalli.
Gólfsíðir gluggar gera það að verkum að stofan er opin og björt.
Húsið er á tveimur hæðum.
Fjögur baðherbergi eru í húsinu.
Húsið var byggt árið 2014.
Búið er að setja upp álklædda stálgrind fyrir gasarin.
Ítalskur marmari á borðum með innfelldum handlaugum.
Rúmgott baðherbergi. Flísar eru á gólfi og veggjum að hluta.
Á neðri hæð hússins eru þrjú mjög rúmgóð svefnherbergi sem eru öll flísalögð.
Rúmgott þvottahús með nægu vinnuplássi. Líklega draumur margra.
Notaleg sjónvarpsstofa.
Frábært útsýni.
Við húsið er garður sem er pallalagður að hluta, með heitum potti.
Hús og heimili Hafnarfjörður


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.