Draymond Green lét reka áhorfenda út úr húsi fyrir að hóta sér lífláti

Enginn var líklega meira pirraður en Draymond Green sem er nú þekktur fyrir að láta skapið hlaupa með sig í gönur.

Í þriðja leikhluta lenti Green í útistöðum við einn stuðningsmann Milwaukee liðsins í stúkunni.

Það endaði með því að Green fékk dómara leiksins til að vísa áhorfandanum út úr húsi.

Green var mjög reiður og lagði ofurkapp á það að dómararnir hlustuðu á hann og létu fjarlægja manninn úr salnum.

Eftir leikinn sagði Green að maðurinn hafi hótað honum lífláti. Green sagði líka að hann hafi verið nálægt því að vaða í manninn. Sem betur fer valdi hann réttu leiðina sem var að láta dómarana taka á þessu.

Hér fyrir neðan má sjá þetta atvik og þar á meðal svipinn á Stephen Curry þegar Green segir honum frá því sem áhorfandinn sagði við hann.