Körfubolti

Keflavík mætir Njarðvík eða Tindastól eða Haukum

Sindri Sverrisson skrifar
Haukar eiga titil að verja í VÍS-bikar kvenna.
Haukar eiga titil að verja í VÍS-bikar kvenna. VÍSIR/BÁRA

Í dag var dregið í átta liða úrslit VÍS-bikars kvenna og karla í körfubolta. Ljóst er að Keflvíkingar þurfa að bíða nokkuð eftir því að vita nákvæmlega hvaða liði þeir mæta í karlakeppninni.

Haukar hafa orðið bikarmeistarar kvenna tvö síðustu skipti og fengu heimaleik í átta liða úrslitum, geng Grindavík. Stórleikurinn er hins vegar á milli Keflavíkur og Njarðvíkur.

Átta liða úrslit kvenna:

  • Fjölnir - Snæfell
  • Keflavík - Njarðvík
  • Haukar - Grindavík
  • ÍR - Stjarnan

Keflavík og Njarðvík gætu einnig mæst í átta liða úrslitum karla. Það skýrist þó ekki fyrr en aganefnd KKÍ kemst að niðurstöðu um það hvort það verður lið Tindastóls eða Hauka sem fær sæti í 16-liða úrslitum, og hvort að það lið eða Njarðvík hefur betur.

Ríkjandi bikarmeistarar Stjörnunnar mæta eina 1. deildarliðinu sem enn er með í bikarkeppni karla, Skallagrími.

Átta liða úrslit karla:

  • KR - Höttur
  • Stjarnan - Skallagrímur
  • Valur - Grindavík
  • Keflavík - Njarðvík/Tindastóll/Haukar

Áætlað er að leikirnir í átta liða úrslitum, bæði kvenna og karla, fari fram 10.-12. desember.

VÍS-bikarinn Körfubolti Keflavík ÍF

Mest lesið


Fleiri fréttir

Sjá meira


×

Mest lesið