Fyrsta sýnishornið úr frumraun Sigurjóns Sighvatssonar sem leikstjóra

Kolbeinn Tumi Daðason skrifar 9. september 2022 11:01

Sigurjón Sighvatsson hefur komið að framleiðslu fjölmargra Hollywood-kvikmynda sem og íslenskra kvikmynda. Vísir/Vilhelm

Sigurjón Sighvatsson, sem er hvað þekktastur sem kvikmyndaframleiðandi, er sestur í stól leikstjóra. Heimildarmyndin Exxtinction Emergency verður frumsýnd á Alþjóðlegu kvikmyndahátíðinni RIFF í Reykjavík nú í september.

Vísir frumsýnir stiklu úr myndinni sem sjá má hér að neðan. Í myndinni er fjallað um tilurð umhverfissamtakanna Extinction Rebellion sem spratt upp í Bretlandi árið 2018 í kjölfar sláandi skýrslu frá Milliríkjanefndinni um loftslagsbreytingar.

Fylgst er með samtökunum, baráttu þeirra fyrir málstaðnum og hvernig þau læra af af mistökum annarra baráttumanna. Stór hluti hópsins er kominn á aldur og fylgst er með því hvernig stjórnvöld lenda í vanda með hvernig eigi að meðhöndla borgaralega óhlýðni þeirra.

Sigurjón Sighvatsson var í ítarlegu viðtali við Innherja á Vísi í fyrra þar sem hann fór yfir ferilinn. Lesa má viðtalið hér að neðan.

Bíó og sjónvarp RIFF

Tengdar fréttir

Sigurjón Sighvatsson opnar sína fyrstu ljósmyndasýningu

Í dag opnar Sigurjón Sighvatsson yfirlitssýningu við Hafnartorg á ljósmyndaverkum sem hann hefur unnið á undanförnum áratugum. Sýningin ber nafnið „Horft um öxl - ljósmyndir frá liðinni tíð“ en um er að ræða fyrstu opinberu sýningu ljósmynda Sigurjóns.

12. desember 2021 08:14

Fyrst grafíkverk á öll strætóskýli og nú sýning á Hafnartorgi

Sigurjón Sighvatsson var að opna ljósmyndasýningu á Hafnartorgi í dag, þar sem bæði er sýnt frá ljósmyndum hans á Íslandi og vestanhafs frá síðustu áratugum.

12. desember 2021 21:47

Mest lesið

Fleiri fréttir

Tengdar fréttir

Mest lesið

Fleiri fréttir

Mest lesið

Tarot dagsins