Erlent

Spænskum skot­á­rásar­manni sem vildi deyja hjálpað yfir móðuna miklu

Hallgerður Kolbrún E. Jónsdóttir skrifar
Maðurinn óskaði eftir að fá að deyja eftir að hann lamaðist.
Maðurinn óskaði eftir að fá að deyja eftir að hann lamaðist. Getty/Ingo Wohlfeil

Spænsk fangelsisyfirvöld hjálpuðu í dag manni, sem skaut og særði fjóra í desember, yfir móðuna miklu. Maðurinn særðist alvarlega og lamaðist eftir að hafa verið skotinn af lögreglu í kjölfar árásarinnar og fór hann þess á leit við fangelsisyfirvöld að fá að deyja. 

Dómstólar komust að þeirri niðurstöðu að maðurinn fengi að deyja, með aðstoð, þrátt fyrir að fórnarlömb hans hafi óskað eftir því að maðurinn yrði sóttur til saka og látinn afplána réttlátan dóm. Málið fór alla leið fyrir stjórnarskrárdóm landsins, sem mat það svo að ekki væri brotið á réttindum fórnarlambanna með því að leyfa manninum að deyja. 

Maðurinn, sem hét Eugen Sabau og var 46 ára gamall, starfaði sem öryggisvörður í borginni Tarragona í norðausturhluta Spánar. Eftir að hafa glímt við mikla óánægju í starfi skaut hann þrjá samstarfsmenn sína í desember í fyrra og særði einn lögreglumann á flóttanum í kjölfarið. 

Að sögn yfirvalda í Katalóníu lést Sabau klukkan 18:30 að staðartíma í dag með aðstoð yfirvalda. 

Líknardráp voru lögleidd á Spáni frir rétt rúmu ári síðan en hingað til hefur refsingin fyrir líknardráp varðað tíu ára fangelsisvist í landinu. Samkvæmt fréttablaðinu El Pais hafa minnst 172 nýtt sér réttinn til líknardráps. 

Spánn Dánaraðstoð

Tengdar fréttir

Synjað um líknardauða

Dómari hefur synjað manni sem lamaðist í skotbardaga við lögregluna, um líknardráp á Spáni, eftir að hann hafði áður fengið leyfi til þess að deyja. Maðurinn lamaðist í byssubardaga við lögreglu eftir að hafa reynt að drepa fyrrverandi samstarfsmenn sína.

Mest lesið


Fleiri fréttir

Sjá meira


×

Mest lesið