Himinn og haf á milli mats félaganna á virði Seskos

Miklu munar á mati félaganna á hvert sé sanngjarnt verð fyrir þennan 19 ára gamla leikmann sem á fjögur ár eftir af samningi sínum hjá RB Salzburg.

Þrátt fyrir ungan aldur hefur Sesko nú þegar leikið 13 leiki fyrir A-landslið Slóveníu en hann skoraði 11 mörk og gaf auk þess sex stoðsendingar í þeim 12 leikjum sem hann lék fyrir RB Salzburg á síðasta keppnistímabili.

Þá skoraði Sesko sigurmark austurríska liðsins þegar liðið lagði Liverpool að velli með einu marki gegn engu í æfingaleik liðanna á dögunum. Chelsea og Newcastle United eru á meðal þeirra félaga sem hafa einnig áhuga að að krækja í slóvenska sóknarmanninn.