Hamilton hvergi nærri hættur: „Ég á nóg eftir“ Hjörtur Leó Guðjónsson skrifar 25. júlí 2022 08:30 Lewis Hamilton er hvergi nærri hættur. Clive Rose/Getty Images Breski ökuþórinn Lewis Hamilton kom annar í mark í sínum þrjúhundruðasta kappakstri þegar franski kappaksturinn í formúlu 1 fór fram í gær. Þetta var besti árangur sjöfalda heimsmeistarans á tímabilinu, en þessi 37 ára ökuþór segist hvergi nærri hættur. Hamilton er sigursælasti ökumaður sögunnar í formúlu 1. Hann hefur fagnað heimsmeistaratitlinu sjö sinnum og í 300 keppnum hefur hann fagnað sigri 103 sinnum, oftar en nokkur annar. Hins vegar hefur gengi Mercedes-liðsins á tímabilinu ekki verið jafn gott og vonast var eftir. Bæði Ferrari og Red Bull virðast sneggri, en Mercedes-liðið virðist þó vera að nálgast keppinautana eftir því sem líður á tímabilið. Samningur Hamilton við Mercedes rennur út í lok næsta árs, en þessi 37 ára ökuþór segist vera opinn fyrir því að hefja viðræður við liðið um framtíðina. Toto Wolff, liðsstjóri Mercedes-liðsins, gaf einnig í skyn að Hamilton væri langt frá því að vera á förum. „Við ræddum það fyrir nokkrum vikum hversu langt samstarf okkar gæti náð,“ sagði Wolff á laugardaginn. „Við töluðum um fimm til tíu ár þannig ég held að við getum náð 400 keppnum. Einhverntíman sagði einhver við mig að kannski væri ekki nóg að vinna áttunda heimsmeistaratitilinn, af hverju ekki tíu?“ sagði Wolff. Eftir keppnina í gær þar sem Hamilton kom annar í mark var hann svo spurður út í þessi ummæli Wolff um 400 keppnir, en hann hefur áður talað um að hann vilji ekki vera enn að þegar hann verður kominn á fimmtugsaldurinn. „Það eru margar keppnir! En fyrst og fremst vil ég bara sýna þakklæti fyrir það að hafa komist svona langt. Ég er enn ferskur og á nóg af eldsneyti eftir á tanknum,“ sagði Hamilton. „Auðvitað vil ég byrja að vinna aftur, en það mun taka tíma. Ég er viss um að við munum setjast niður bráðlega og ræða um framtíðina. Ég nýt þess sem ég er að gera og er stoltur af því að vinna með þessu frábæra fólki.“ „Ég er líka að njóta þess að vinna í kringum þessa íþrótt meira en áður. Það er frábært fólk í forystu fyrir íþróttina og samtalið um það hvert við stefnum er frábært,“ sagði Hamilton að lokum. Akstursíþróttir Mest lesið Dómarinn fékk gult spjald og glotti Fótbolti Sakaður um viljandi árekstur: „Bara séð svona í leikjum og go-kart“ Formúla 1 „Þetta mark átti ekki að telja“ Íslenski boltinn „Verður ekkert frí í þessu landsleikjahléi“ Fótbolti Dagskráin í dag: Stórleikur á Kópavogsvelli, Formúla 1 og margt fleira Sport „Erum með sjö stigum meira en á sama tíma í fyrra“ Íslenski boltinn Ósáttur Davíð Smári: Einn maður sem eyðileggur leikinn Íslenski boltinn Gísli Þorgeir meiddist enn á ný á öxl Handbolti „Gott veganesti inn í kærkomið frí“ Fótbolti Leik lokið: Breiðablik - Víkingur 3-1 | Allt í hnút á toppnum Íslenski boltinn Fleiri fréttir Sakaður um viljandi árekstur: „Bara séð svona í leikjum og go-kart“ Piastri á ráspól Hamilton segir sögusagnir um ósætti vera þvaður Norris vann í Mónakó í fyrsta sinn Lando Norris hrifsaði til sín ráspólinn á elleftu stundu Verstappen tók fram úr á fyrsta hring og fagnaði sigri Hrikalegur árekstur Tsunoda, nýtt áfall fyrir Ferrari og Piastri fremstur Hamilton: „Dæmið okkur eftir nokkur ár“ Var í lífstíðarbanni en er nú aftur orðinn liðsstjóri í Formúlu 1 Pirraður Hamilton biðst ekki afsökunar Piastri fagnaði þriðja sigrinum í röð Sjá meira
Hamilton er sigursælasti ökumaður sögunnar í formúlu 1. Hann hefur fagnað heimsmeistaratitlinu sjö sinnum og í 300 keppnum hefur hann fagnað sigri 103 sinnum, oftar en nokkur annar. Hins vegar hefur gengi Mercedes-liðsins á tímabilinu ekki verið jafn gott og vonast var eftir. Bæði Ferrari og Red Bull virðast sneggri, en Mercedes-liðið virðist þó vera að nálgast keppinautana eftir því sem líður á tímabilið. Samningur Hamilton við Mercedes rennur út í lok næsta árs, en þessi 37 ára ökuþór segist vera opinn fyrir því að hefja viðræður við liðið um framtíðina. Toto Wolff, liðsstjóri Mercedes-liðsins, gaf einnig í skyn að Hamilton væri langt frá því að vera á förum. „Við ræddum það fyrir nokkrum vikum hversu langt samstarf okkar gæti náð,“ sagði Wolff á laugardaginn. „Við töluðum um fimm til tíu ár þannig ég held að við getum náð 400 keppnum. Einhverntíman sagði einhver við mig að kannski væri ekki nóg að vinna áttunda heimsmeistaratitilinn, af hverju ekki tíu?“ sagði Wolff. Eftir keppnina í gær þar sem Hamilton kom annar í mark var hann svo spurður út í þessi ummæli Wolff um 400 keppnir, en hann hefur áður talað um að hann vilji ekki vera enn að þegar hann verður kominn á fimmtugsaldurinn. „Það eru margar keppnir! En fyrst og fremst vil ég bara sýna þakklæti fyrir það að hafa komist svona langt. Ég er enn ferskur og á nóg af eldsneyti eftir á tanknum,“ sagði Hamilton. „Auðvitað vil ég byrja að vinna aftur, en það mun taka tíma. Ég er viss um að við munum setjast niður bráðlega og ræða um framtíðina. Ég nýt þess sem ég er að gera og er stoltur af því að vinna með þessu frábæra fólki.“ „Ég er líka að njóta þess að vinna í kringum þessa íþrótt meira en áður. Það er frábært fólk í forystu fyrir íþróttina og samtalið um það hvert við stefnum er frábært,“ sagði Hamilton að lokum.
Akstursíþróttir Mest lesið Dómarinn fékk gult spjald og glotti Fótbolti Sakaður um viljandi árekstur: „Bara séð svona í leikjum og go-kart“ Formúla 1 „Þetta mark átti ekki að telja“ Íslenski boltinn „Verður ekkert frí í þessu landsleikjahléi“ Fótbolti Dagskráin í dag: Stórleikur á Kópavogsvelli, Formúla 1 og margt fleira Sport „Erum með sjö stigum meira en á sama tíma í fyrra“ Íslenski boltinn Ósáttur Davíð Smári: Einn maður sem eyðileggur leikinn Íslenski boltinn Gísli Þorgeir meiddist enn á ný á öxl Handbolti „Gott veganesti inn í kærkomið frí“ Fótbolti Leik lokið: Breiðablik - Víkingur 3-1 | Allt í hnút á toppnum Íslenski boltinn Fleiri fréttir Sakaður um viljandi árekstur: „Bara séð svona í leikjum og go-kart“ Piastri á ráspól Hamilton segir sögusagnir um ósætti vera þvaður Norris vann í Mónakó í fyrsta sinn Lando Norris hrifsaði til sín ráspólinn á elleftu stundu Verstappen tók fram úr á fyrsta hring og fagnaði sigri Hrikalegur árekstur Tsunoda, nýtt áfall fyrir Ferrari og Piastri fremstur Hamilton: „Dæmið okkur eftir nokkur ár“ Var í lífstíðarbanni en er nú aftur orðinn liðsstjóri í Formúlu 1 Pirraður Hamilton biðst ekki afsökunar Piastri fagnaði þriðja sigrinum í röð Sjá meira