Fótbolti

Viðar Örn og félagar fengu skell

Hjörtur Leó Guðjónsson skrifar
Viðar Örn Kjartansson og félagar hans töpuðu stórt í kvöld.
Viðar Örn Kjartansson og félagar hans töpuðu stórt í kvöld. nettavisen.no

Viðar Örn Kjartansson og félagar hans í Vålerenga máttu þola stórt tap er liðið tók á móti Rosenborg í norsku úrvalsdeildinni í fótbolta í kvöld. Gestirnir unnu 4-0 sigur og Vålerenga er nú án sigurs í fimm deidlarleikjum í röð.

Gestrinir tóku forystuna strax á áttundu mínútu og staðan var orðin 2-0 þegar rétt rúmar tuttug mínútur voru liðnar af leiknum. 

Þriðja markið leit dagsins ljós snemma í síðari hálfleik áður en gestirnir gerðu algjörlega út um leikinn rúmum tuttugu mínútum fyrir leikslok.

Viðar Örn var í byrjunarliði Vålerenga, en var tekinn af velli eftir rúmlega klukkutíma leik. Vålerenga er nú án sigurs í seinustu fimm deildarleikjum og þar af hefur liðið tapað fjórum þeirra. Liðið situr í 11. sæti deildarinnar með tíu stig eftir jafn marga leiki.

Norski boltinn

Mest lesið


Fleiri fréttir

Sjá meira


×

Mest lesið