Aron skoraði er Sirius hafði betur í Íslendingaslag

Aron lék allan leikinn fyrir Sirius í dag. Sveinn Aron Guðjohnsen var í byrjunarliði Elfsborg en var tekinn af velli þegar rúmur stundarfjórðungur var til leiksloka, en Hákon Rafn Valdimarsson sat allan tíman á varamannabekk gestanna í Elfsborg.

Staðan var markalaus þegar flautað var til hálfleiks í leik dagsins, en heimamenn í Sirius tóku forystuna á 56. mínútu. Aðeins sjö mínútum síðar var Aron Bjarnason búinn að tvöfalda forystu liðsins og þar við sat.

Niðurstaðan varð 2-0 sigur Sirius og liðið er nú með 13 stig eftir átta leiki, tveimur stigum meira en Elfsborg.