Félagið greindi frá þessu á heimasíðu sinni, en Freyr tók við liðinu í júní á seinasta ári. Undir stjórn Freys lenti liðið í öðru sæti deildarinnar áður en henni var skipt upp. Liðið fékk 43 stig í 22 leikjum.
Liðið situr enn í öðru sæti efri hluta deildarinnar nú þegar þrjár umferðir eru eftir og er því á góðri leið með að tryggja sér sæti í dönsku úrvalsdeildinni.
LYNGBY FORLÆNGER MED FREYR 💙👑 Vi er glade og stolte over nyheden om, at vores islandske cheftræner har skrevet en ny kontrakt med os! Læs mere: https://t.co/Rf6EClzE9u #sldk #1divdk #LyngbyBK #SammenforLyngby pic.twitter.com/rB0rOst8cs
— Lyngby Boldklub (@LyngbyBoldklub) April 14, 2022
Í tilkynningu frá Lyngby kemur fram að Freyr hafi gert frábæra hluti með liðið og að nú sé það í þeirra eigin höndum að koma sér upp í deild þeirra bestu í Danmörku.
„Freyr og starfsfólkið hans hafa gert virkilega góða hluti með liðið. Ef við skoðum úrslitin erum við að taka að meðaltali tæplega tvö stig í leik í fyrstu deildinni og erum nú á þeim stað sem við viljum vera - með örlögin í okkar eigin höndum,“ segir í tilkynningunni.
„Auk þess höfum við einnig fengið að sjá nokkra af okkar eigin ungu leikmönnum fá tækifærið undir hans stjórn og við erum mjög ánægð með það að Freyr verði áfram við stjórnvölin hjá liðinu.“