Innlent

Sól­veig Anna náði ekki kjöri í fram­kvæmda­stjórn SGS

Viktor Örn Ásgeirsson skrifar
Sólveig lýsti yfir miklum stuðningi við Vilhjálm, sem náði kjöri sem formaður Starfsgreinasambandsins í síðustu viku.
Sólveig lýsti yfir miklum stuðningi við Vilhjálm, sem náði kjöri sem formaður Starfsgreinasambandsins í síðustu viku. Vísir/Vilhelm

Sólveig Anna Jónsdóttir formaður Eflingar bauð sig fram í framkvæmdastjórn Starfsgreinasambandsins í liðinni viku en náði ekki kjöri. 

Tíu buðu sig fram í framkvæmdastjórnina en sjö fulltrúar náðu kjöri. Sólveig Anna Jónsdóttir, Finnbogi Sveinbjörnsson formaður Verkalýðsfélags Vestfirðinga og Halldóra Sveinsdóttir formaður Bárunnar stéttarfélags voru þau sem ekki náðu kjöri.

Sólveig Anna sat áður í framkvæmdastjórn Starfsgreinasambandsins en sagði sig úr stjórninni samhliða uppsögn úr Eflingu á haustmánuðum 2021. Finnbogi og Halldóra sátu bæði í framkvæmdastjórninni en náðu ekki endurkjöri samkvæmt upplýsingum fréttastofu.

Vilhjálmur Birgisson formaður Verkalýðsfélags Akraness var kjörinn formaður Starfsgreinasambandsins á þingi þess í á föstudaginn með tíu atkvæða mun. Sólveig Anna hafði opinberlega lýst yfir stuðningi við Vilhjálm og sagði að áherslubyltingu yrði innan Starfsgreinasambandsins næði hann kjöri.

Eftirtaldir voru kosnir í framkvæmdastjórn Starfsgreinasambandsins:

Aðalmenn:

Aðalsteinn Árni Baldursson, Framsýn stéttarfélag

Anna Júlíusdóttir, Eining-Iðja

Eyþór Þ. Árnason, Verkalýðsfélagið Hlíf

Guðrún Elín Pálsdóttir, Verkalýðsfélag Suðurlands

Hjördís Þóra Sigurþórsdóttir, AFL Starfsgreinafélag

Ragnar Ólason, Efling stéttarfélag

Þórarinn Sverrisson, Aldan stéttarfélag

Varamenn í framkvæmdarstjórn eru eftirfarandi:

1. Varamaður: Guðný Óskarsdóttir, Drífandi stéttarfélag

2. Varamaður: Vignir Maríasson, Verkalýðsfélag Snæfellinga

3. Varamaður: Hörður Guðbrandsson, Verkalýðsfélag Grindavíkur

4. Varamaður: Ástþór Jón Ragnheiðarson, Verkalýðsfélag Suðurlands

5. Varamaður: Fabio Ronti, Efling stéttarfélag

Ólga innan Eflingar Stéttarfélög

Tengdar fréttir

Sólveig Anna hellir sér yfir Halldóru Sveinsdóttur

Sólveig Anna Jónsdóttir formaður Eflingar, sem nú bíður þess að taka aftur við stjórnartaumunum í verkalýðsfélaginu eftir sigur í formannskosningum fyrir nokkru, vandar þriðja varaforseta ASÍ, Halldóru Sveinsdóttur, ekki kveðjurnar í pistli sem hún birtir á Facebook-síðu sinni.

Vilhjálmur lofar að gera sitt besta

Vilhjálmur Birgisson formaður Verkalýðsfélags Akraness var kjörinn formaður Starfsgreinasambandsins á þingi þess í dag með tíu atkvæða mun. Hann segir að með samstöðu félagsfólks væri því allir vegir færir í komandi kjarasamningum sem verði erfiðir.

Mest lesið


Fleiri fréttir

Sjá meira


×

Mest lesið