Fiski­­deginum mikla frestað í þriðja sinn vegna kórónu­veirunnar

Stjórn Fiskidagsins mikla segir í tilkynningu að skynsamlegt sé láta kyrrt liggja áfram og stofna ekki til viðburðar af slíkri stærðargráðu þegar ástandið í samfélaginu er enn viðkvæmt vegna kórónuveirunnar.

„Óvissan er enn til staðar, margir vilja gjarnan mæta í ár en eru enn ekki tilbúnir að vera í fjölmenni af ótta við að smitast, jafnvel í þriðja sinn. Samfélagið hefur einfaldlega ekki jafnað sig,“ segir í tilkynningunni.

Til stendur að halda daginn hátíðlegan í ágúst árið 2023.