Fimmtán milljónir frá ríkinu níu árum eftir fimm vikna einangrun Kolbeinn Tumi Daðason skrifar 20. mars 2022 08:30 Tollvörðurinn er enn við störf hjá Tollgæslunni en hefur þó ekki fengið að starfa með fíkniefnahundum frá því málið kom upp. Trúverðugleiki hans virðiðst hafa beðið hnekki við handtökuna og hafa umsóknir hans um fyrra starf ekki skilað árangri. Vísir/Jóhann K. Íslenska ríkið hefur samþykkt að greiða tollverði tæplega fimmtán milljón krónur í bætur og nema bótagreiðslur til hans nú samanlagt um tuttugu milljónum króna. Tollvörðurinn varði fimm vikum í gæsluvarðhaldi og einangrun árið 2013 vegna gruns um aðild að umfangsmiklu fíkniefnamáli. Lögmaður mannsins segir bótagreiðsluna ekki bæta það tjón sem tollvörðurinn var fyrir en þó fela í sér viðurkenningu á að ríkið hafi brotið á saklausum manni fyrir tæpum áratug. Frændi sem tengdist málinu Það var í janúar 2013 sem tollgæslan fann rúmlega tuttugu kíló af amfetamíni og 1,7 lítra af afmetamínsbasa í póstsendingum í húsakynnum Póstsins á Stórhöfða í Reykjavík með aðstoð fíkniefnahunda. Fjöldi manns var handtekinn í málinu sem leiddi að lokum til þungra dóma. Fjórir karlmenn voru að lokum dæmdir í sautján ára fangelsi samanlagt í Héraðsdómi Reykjavíkur í júní 2013. Sakborningar í málinu hylja andlit sín þegar málið var þingfest árið 2013.Vísir/Vilhelm Tollverðinum var leystur frá störfum þegar hann var hnepptur í gæsluvarðhald en grunur beindist að honum þar sem frændi hans var tengdur málinu. Talið var að tollvörðurinn hefði séð til þess að fíkniefnahundur hefði ekki verið við vinnu þegar sendingin kom til landsins. Ekkert benti hins vegar til þess að sá grunur væri á rökum reistur og neitaði tollvörðurinn sök allan tímann, þær fimm vikur sem hann dúsaði í gæslvuarðhaldi. Farið var yfir öll samskipti þeirra frænda og leiddi rannsóknin ekkert misjafnt í ljós. Á hálfum launum í fjóra mánuði Tollvörðurinn stefndi ríkinu vegna málsins. Hann var frá störfum í um fjóra mánuði vegna málsins og á hálfum launum þann tíma. Hann hefur starfað sem tollvörður síðan en ekki fengið að starfa með fíkniefnahundum eins og hann hafði gert áður en málið kom upp. Var hann sviptur þeim titli en hann hafði verið með hund, mætt í húsleitir og verið á vegum Tollgæslunnar á Keflavíkurflugvelli. Tollvörðurinn fór reglulega með fíkniefnahund í eftirlit á Keflavíkurflugvelli. Hann hefur ekki fengið slík verkefni síðan málið kom upp fyrir rúmum níu árum.vísir/vilhelm Tollverðinum höfðu þegar verið dæmdar á fimmta milljón króna í bætur vegna málsins árið 2015. Hann vildi ekki koma fram undir nafni í samtali við fréttastofu við þau tímamót en sagðist fenginn að þessum kafla í lífi hans væri lokið. Svo var þó ekki. Vegna andlegra erfiðleika var ákveðið að skoða málið betur. Fór maðurinn í mat og kom niðurstaða úr matsgerð fyrr á þessu ári þar sem hann var metinn með skerta starfsorku og varanlegan miska. Féllst ríkislögmaður í gær á að greiða tæplega fimmtán milljónir króna í bætur til viðbótar á grundvelli fyrrnefndrar matsgerðar. Hafði ekkert til sakar unnið Ómar Örn Bjarnþórsson hæstaréttarlögmaður hefur gætt hagsmuna mannsins í tæpan áratug eða síðan málið kom upp. Ómar Örn Bjarnþórsson „Samkomulag náðist við ríkislögmann um greiðslu þeirra bóta sem krafist var sem var ánægjuleg niðurstaða fyrir minn umbjóðanda,“ segir Ómar. Því sé engin ástæða til að halda áfram með málið fyrir dómi. Umbjóðandi hans var kominn með gjafsókn í málinu. Málsókn hefði því verið honum að kostnaðarlausu. „Þó að greiðslan bæti ekki það tjón sem umbjóðandi minn varð fyrir þá felur hún þó í sér enn eina viðurkenninguna á þvi að það var íslenska ríkið sem braut á honum árið 2013,“ segir Ómar. „Hann hafði sér ekkert til sakar unnið.“ Fluttu inn amfetamín frá Danmörku Tollgæslan Mest lesið Björk styður æskuvinkonu sína sem sætir svívirðingum Innlent Bein útsending: Mótmæla handtöku Möggu Stínu Innlent Magga Stína handtekin í nótt af Ísraelsher Innlent Langþreyttur á TikTok áreiti og rasískum orðsendingum skólakrakka Innlent Óheppileg „læk“ Reykjavíkurborgar: „Okkur þykir þetta miður“ Innlent Hitnar undir feldi Lilju Innlent Hefur áhyggjur af unga fólkinu Innlent Dularfull brotlending nærri Area 51 Erlent Keyrt á vegfaranda í Skeifunni Innlent Takmörk á því hversu langt Ísraelar geti farið til að verja hafnbann Innlent Fleiri fréttir Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Hafa rætt við ísraelsk stjórnvöld og sett fram kröfur vegna Margrétar Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Fyrri degi heimsóknar lauk með kvöldverði í forsetahöllinni Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Sjá meira
Lögmaður mannsins segir bótagreiðsluna ekki bæta það tjón sem tollvörðurinn var fyrir en þó fela í sér viðurkenningu á að ríkið hafi brotið á saklausum manni fyrir tæpum áratug. Frændi sem tengdist málinu Það var í janúar 2013 sem tollgæslan fann rúmlega tuttugu kíló af amfetamíni og 1,7 lítra af afmetamínsbasa í póstsendingum í húsakynnum Póstsins á Stórhöfða í Reykjavík með aðstoð fíkniefnahunda. Fjöldi manns var handtekinn í málinu sem leiddi að lokum til þungra dóma. Fjórir karlmenn voru að lokum dæmdir í sautján ára fangelsi samanlagt í Héraðsdómi Reykjavíkur í júní 2013. Sakborningar í málinu hylja andlit sín þegar málið var þingfest árið 2013.Vísir/Vilhelm Tollverðinum var leystur frá störfum þegar hann var hnepptur í gæsluvarðhald en grunur beindist að honum þar sem frændi hans var tengdur málinu. Talið var að tollvörðurinn hefði séð til þess að fíkniefnahundur hefði ekki verið við vinnu þegar sendingin kom til landsins. Ekkert benti hins vegar til þess að sá grunur væri á rökum reistur og neitaði tollvörðurinn sök allan tímann, þær fimm vikur sem hann dúsaði í gæslvuarðhaldi. Farið var yfir öll samskipti þeirra frænda og leiddi rannsóknin ekkert misjafnt í ljós. Á hálfum launum í fjóra mánuði Tollvörðurinn stefndi ríkinu vegna málsins. Hann var frá störfum í um fjóra mánuði vegna málsins og á hálfum launum þann tíma. Hann hefur starfað sem tollvörður síðan en ekki fengið að starfa með fíkniefnahundum eins og hann hafði gert áður en málið kom upp. Var hann sviptur þeim titli en hann hafði verið með hund, mætt í húsleitir og verið á vegum Tollgæslunnar á Keflavíkurflugvelli. Tollvörðurinn fór reglulega með fíkniefnahund í eftirlit á Keflavíkurflugvelli. Hann hefur ekki fengið slík verkefni síðan málið kom upp fyrir rúmum níu árum.vísir/vilhelm Tollverðinum höfðu þegar verið dæmdar á fimmta milljón króna í bætur vegna málsins árið 2015. Hann vildi ekki koma fram undir nafni í samtali við fréttastofu við þau tímamót en sagðist fenginn að þessum kafla í lífi hans væri lokið. Svo var þó ekki. Vegna andlegra erfiðleika var ákveðið að skoða málið betur. Fór maðurinn í mat og kom niðurstaða úr matsgerð fyrr á þessu ári þar sem hann var metinn með skerta starfsorku og varanlegan miska. Féllst ríkislögmaður í gær á að greiða tæplega fimmtán milljónir króna í bætur til viðbótar á grundvelli fyrrnefndrar matsgerðar. Hafði ekkert til sakar unnið Ómar Örn Bjarnþórsson hæstaréttarlögmaður hefur gætt hagsmuna mannsins í tæpan áratug eða síðan málið kom upp. Ómar Örn Bjarnþórsson „Samkomulag náðist við ríkislögmann um greiðslu þeirra bóta sem krafist var sem var ánægjuleg niðurstaða fyrir minn umbjóðanda,“ segir Ómar. Því sé engin ástæða til að halda áfram með málið fyrir dómi. Umbjóðandi hans var kominn með gjafsókn í málinu. Málsókn hefði því verið honum að kostnaðarlausu. „Þó að greiðslan bæti ekki það tjón sem umbjóðandi minn varð fyrir þá felur hún þó í sér enn eina viðurkenninguna á þvi að það var íslenska ríkið sem braut á honum árið 2013,“ segir Ómar. „Hann hafði sér ekkert til sakar unnið.“
Fluttu inn amfetamín frá Danmörku Tollgæslan Mest lesið Björk styður æskuvinkonu sína sem sætir svívirðingum Innlent Bein útsending: Mótmæla handtöku Möggu Stínu Innlent Magga Stína handtekin í nótt af Ísraelsher Innlent Langþreyttur á TikTok áreiti og rasískum orðsendingum skólakrakka Innlent Óheppileg „læk“ Reykjavíkurborgar: „Okkur þykir þetta miður“ Innlent Hitnar undir feldi Lilju Innlent Hefur áhyggjur af unga fólkinu Innlent Dularfull brotlending nærri Area 51 Erlent Keyrt á vegfaranda í Skeifunni Innlent Takmörk á því hversu langt Ísraelar geti farið til að verja hafnbann Innlent Fleiri fréttir Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Hafa rætt við ísraelsk stjórnvöld og sett fram kröfur vegna Margrétar Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Fyrri degi heimsóknar lauk með kvöldverði í forsetahöllinni Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Sjá meira