Elísa­bet og Steinar Bragi til­nefnd til bók­mennta­verð­launa Norður­landa­ráðs

Í tilkynningu á vef Norðurlandaráðs segir að ást, vald og það að vera utangarðs séu á meðal gegnumgangandi stefja í þeim norrænu skáldsögum og ljóðabókum sem tilnefndar eru að þessu sinni. 

„Hin sterku bókmenntaverk sem tilnefnd eru í ár einkennast meðal annars af munúð, auk þess sem leyndardómar lostans eru gerðir áþreifanlegir með sögulegri og ljóðrænni nálgun og í lokuðum rýmum. Á meðal viðfangsefna höfundanna tilnefndu eru lífsmynstur í takt við náttúruna, tímaferðalög og fólk sem lifir í einsemd. Bæði í prósa og ofsafenginni ljóðlist. Einnig er fjallað um sársauka norðurslóða og sérstakar landfræðipólitískar kringumstæður, auk breytilegra skilyrða lífsins sem tekið geta á sig óvæntar myndir, sársaukafullar og lágstemmdar,“ segir í tilkynningunni. 

Hér eru verkin sem tilnefnd eru til bókmenntaverðlaunanna í ár:

Danmörk

• Om udregning af rumfang (I, II og III) eftir Solvej Balle. Skáldsaga. 
• Adam i Paradis eftir Rakel Haslund-Gjerrild. Skáldsaga. 

Finnland

• Eunukki eftir Kristinu Carlson. Skáldsaga. Skáldsaga, Otava, 2020.
• Röda rummet eftir Kaj Korkea-aho. Skáldsaga. Förlaget M, 2021.

Færeyjar

• Sólgarðurin eftir Beini Bergsson. Ljóðabók. Forlagið Eksil, 2021.

Grænland

• Arkhticós Dolorôs eftir Jessie Kleemann. Ljóðabók. Forlaget Arena, 2021.

Ísland

• Truflunin eftir Steinar Braga. Skáldsaga. Forlagið, 2020.
• Aprílsólarkuldi eftir Elísabetu Jökulsdóttur. Skáldsaga. Forlagið, 2020.

Noregur

• Dette er G eftir Inghill Johansen. Skáldsaga. Forlaget Oktober, 2021.
• Jente, 1983 eftir Linn Ullmann. Skáldsaga. Forlaget Oktober, 2021.

Samíska málsvæðið

• Beaivváš mánát eftir Mary Ailonieida Sombán Mari. Ljóðabók. 

Svíþjóð

• Löpa varg eftir Kerstin Ekman. Skáldsaga. Albert Bonniers Förlag, 2021.
• Den dagen den sorgen eftir Jesper Larsson. Skáldsaga. Nirstedt/litteratur, 2021…

Álandseyjar

• Hem eftir Karin Erlandsson. Skáldsaga. Schildts & Söderströms og Bokförlaget F…

Dómnefndir skipaðar fulltrúum frá löndunum hafa tilnefnt verk til bókmenntaverðlauna Norðurlandaráðs 2022. Þetta verður í sextugasta sinn sem verðlaunin verða afhent.