Sýndu brellur sem íslenskt fyrirtæki gerði fyrir Witcher

Samúel Karl Ólason skrifar 20. febrúar 2022 14:33

Reykjavík Visual Effects (RVX) birtu á föstudaginn myndband sem sýnir þær tölvubrellur sem starfsmenn fyrirtækisins gerðu fyrir Netflix þættina Witcher. Þættirnir, bækur og tölvuleikir úr söguheimi Withcer njóta mikilla vinsælda um heim allan.

Henry Cavill er í aðalhlutverki Witcher en þættirnir eru byggðir á bókum eftir pólska rithöfundinn Andrzej Sapkowski. Þeir byggja einnig á gífurlega vinsælum tölvuleikjum sem gerðir voru eftir bókunum. Í söguheimi þáttanna átti sér stað atburður sem blandaði saman íbúum margra vídda og við það strönduðu allskonar skrímsli, menn, dvergar, álfar og alls kyns verur saman í einum heimi með tilheyrandi deilum og átökum.

Witcher er nafn sérstakra stríðsmanna sem voru skapaðir til að fella ill skrímsli.

Þessir stríðsmenn eiga sér kastala sem kallast Kaer Morhen en starfsmenn RVX komu að því að skapa það virki og umhverfi þess, eins og sjá má á myndbandinu hér að neðan.

RVX er tækni-og myndbrellustúdíó sem var stofnað árið 2008. Það hefur komið að kvikmyndum eins og Adrift, Everest, Gravity, Sherlock Holmes, Tinker Tailor Soldier Spy og mörgum öðrum. Yfirlit má sjá hér á vef RVX.

Bíó og sjónvarp Kvikmyndagerð á Íslandi

Tengdar fréttir

Ísland í aðalhlutverki í fyrstu stiklu Witcher: Blood Origin

Netflix laumaði fyrstu stiklu þáttanna Witcher: Blood Origin í lok síðasta þáttar annarar þáttaraðar af þáttunum Witcher. Blood Origin voru að hluta til teknir upp hér á landi og Ísland er mjög fyrirferðarmikið í stiklunni.

17. desember 2021 19:08

Geralt berst við skrímsli og menn í annarri stiklu Witcher

Netflix birti í dag aðra stiklu annarrar þáttaraðar The Witcher. Ævintýraþættirnir fjalla um stríðsmanninn Geralt of Rivia, galdrakonuna Yennifer og hina merkilegu Ciri og baráttu þeirra við skrímsli, konunga, keisara og galdrakarla.

29. október 2021 14:20

Witcher-leikarar skelltu sér í Jökulsárlón

Leikararnir í Witcher: Blood Origins, sem verið er að taka upp á Suðausturlandi, skelltu sér í Jökulsárlón um helgina. Þá eru tökur fyrir Netflix-þættina sagðar eiga að færast í víkingaþorpið milli Hafnar og Víkur sem byggt var árið 2010.

10. ágúst 2021 10:23

Sagði sig frá Witcher vegna Verbúðarinnar

Leikarinn Björn Hlynur Haraldsson sagði sig frá Netflix-þáttunum The Witcher vegna framleiðslu á nýjum íslenskum þáttum, Verbúðinni. Björn Hlynur sló í gegn í hlutverki Eist í fyrstu seríu þáttanna en til stóð að hann léti sjá sig í annarri seríunni en ekkert verður úr því.

15. júlí 2021 10:01