Vanda vill leiða KSÍ áfram

Stefnumál 

Mig langar að koma hér á framfæri helstu atriðum sem mér finnst að leggja þurfi áherslu á til að efla starf knattspyrnunnar í landinu. Þetta eru mínar hugmyndir, byggðar á reynslu og þekkingu en ekki síður á samtölum mínum við félögin í landinu. Þetta skjal er þó ekki tæmandi né endanlegt, heldur lifandi, því ég er alltaf að læra meira og meira, með hverri heimsókn og hverju símtali við fólkið í hreyfingunni. 

Skýr framtíðarsýn og hlutverk 

Nauðsynlegt er að stefna og hlutverk KSÍ sé á hreinu og stefnuáherslur í lykilviðfangsefnum sambandsins séu öllum ljósar. Í þessari vinnu þarf að hugsa til framtíðar, með framsækni, metnað og fagmennsku að leiðarljósi 

Samstarf við félögin í landinu 

Stuðningur við félögin 

Markmið: Að styðja við það mikilvæga starf sem fram fer í félögum út um allt land. 

Leiðir: 

1. Auka tekjur KSÍ, sem skilar sér í stuðningi og betri þjónustu við félögin. 

2. Standa fyrir fræðslu, umræðum og ráðgjöf um fjármögnun, samninga og annað sem snýr að rekstri félaganna. 

3. Hlusta og taka vel í allar óskir og fyrirspurnir. Auðvitað er ekki hægt að verða við öllu en ég lofa að hlusta og gera mitt besta. Þau félög sem hafa leitað til mín geta borið vitni um þetta. 

Árangur félagsliða 

Markmið: 

Að bæta árangur félagsliðanna okkar. 

Mjög margt hefur þegar verið gert í þessum málum en ég tel að við getum tekið enn fleiri skef. Við erum sterkari saman. 

Leiðir: 

1. Horfa til framtíðar og fara í stefnumótunarvinnu. Á knattspyrnusviði KSÍ, ásamt víða í hreyfingunni, er þekking og reynsla til staðar til að hægt sé að fara í slíka vinnu. Á málþingi fyrir ársþing KSÍ verður þessi vinna kynnt. 

2. Ráða yfirmann knattspyrnumála í fullt starf á þessu ári. 

Gagnsæi, samráð og upplýsingagjöf 

Markmið: 

Að efla samstarf, bæta ákvarðanir og auka með því gæði í öllu starfi. 

Leiðir: 

1. Heimsækja félögin í landinu. 

2. Opnar samskiptaleiðir og virk hlustun með aðgerðum í kjölfarið. 

3. Mánaðarlegir pistlar frá formanni. 

4. Samráðsfundir um ýmis mál sem skipta máli fyrir knattspyrnuna og eru ofarlega á baugi hverju sinni. 

Stefnumótun og rekstur 

Markmið: 

Halda áfram að bæta rekstur sambandsins og gera hann eins skilvirkan og hagkvæman og kostur er. Stór hluti af því er að fara í aðgerðabundna stefnumótun til framtíðar. Samhliða því að bæta gæði og þjónustu við félögin. 

Við erum þegar lögð af stað í þetta mikilvæga verkefni. 

Leiðir: 

1. Stefnumótunarvinna farin af stað, sem er leidd af sérfræðingum hjá UEFA. Þetta er margreynd aðferðafræði sem fjöldi sambanda hafa farið í gegnum með góðum árangri. 

2. Starfshópur var skipaður um miðjan janúar. Hópurinn fékk það verkefni að rýna í skýrslu úttektarnefndarinnar, sérstaklega það sem varðar innra starf KSÍ. Hluti af því er að skoða verkskiptingu formanns og framkvæmdarstjóra. 

3. Á skrifstofu KSÍ vinnur starfsfólk sem hefur mikla reynslu, ásamt því að brenna fyrir fótboltann. Mikilvægt er að hafa þau með í stefnumótun um starfsemi KSÍ og framtíð. 

4. Vera í samstarfi við aðra hagsmunaaðila, þar á meðal félög og hagsmunasamtök dómara, þjálfara og leikmanna. 

5. Samráð við félögin gegnum upplýsingagjöf og fundi. Þennan þátt þarf að efla enn frekar. 

Uppeldis- og grasrótarstarf 

Markmið: 

Fjölga iðkendum, vinna gegn brottfalli og styðja félögin um allt land. 

Leiðir: 

1. Stækka Mola-verkefnið og útvíkka það, m.a. með að fá fyrirtæki og sveitarfélög til að styrkja kaup á Panna-völlum, fjölga stöðum sem eru heimsóttir, styrkja enn betur við þjálfara og foreldra á stöðunum og vinna sérstaklega með fjölgun barna af erlendum uppruna. Í verkefninu er lögð áhersla á að þjálfa karakter og uppeldisleg gildi gegnum fótbolta, sem passar einstaklega vel við mína sýn á uppeldis hlutverk knattspyrnuhreyfingarinnar. Að þjálfa karakter hjálpar einnig við að búa til afreksfólk. 

2. Gera hið mikilvæga uppeldisstarf og uppeldishlutverk sýnilegra, með ráðstefnum, fræðslu og rannsóknun. Fara í samstarf við háskólana í þessum efnum. Nýta niðurstöðurnar m.a. sem þrýsti afl á stjórnvöld um að styðja betur við innra starf félaganna. Við þurfum að lyfta upp starfinu okkar og vera stolt af því. 

3. Styrkja þjálfarana okkar í uppeldishlutverki þeirra með enn frekari fræðslu og stuðningi. 

4. Koma ungmennaráði á laggirnar, til að okkar yngstu og fjölmennustu þátttakendur hafi rödd og áhrif. 

Fræðsla og forvarnir gegn ofbeldi af öllu tagi 

Markmið: 

Að knattspyrnuhreyfingin verði samtaka í að axla þá samfélagslegu ábyrgð að vinna gegn öllu ofbeldi. 

Leiðir: 

Undanfarna mánuði höfum við unnið að því að skýra verkferla hjá KSÍ ef upp koma ofbeldismál, þar á meðal kynferðislegt ofbeldi. Þessari vinnu er ekki lokið því beðið er eftir reglum frá ÍSÍ, sem eru í vinnslu. Þá er einnig verið að þróa enn betur starf samskiptaráðgjafa íþrótta- og æskulýðsstarfs. Í kjölfarið þarf KSÍ að búa til heildstæða stefnu sem tryggir að gripið verði inn í ofbeldismál af ábyrgð og fagmennsku. Stefnan þarf að vera aðgengileg og nýtast bæði KSÍ og félögunum. Nýjar siðareglur þurfa að verða hluti af stefnunni en þær eru í vinnslu. 

Að lokum er mikilvægt að efla fræðslu og forvarnir, m.a. með því að fara í samstarf við ráðuneyti og fræðsluyfirvöld, ásamt fagaðilum. Útbúa þarf fræðsluefni sem nýtist félögunum fyrir börn, foreldra, þjálfara og stjórnarfólk. Einnig að búa til efni sem hentar grunnskólum og hefur það markmið að hafa áhrif á menningu og byggja upp jákvæða leiðtoga. Við hjá KSÍ, ásamt KKÍ og HSÍ höfum þegar rætt við Ásmund Einar Daðason ráðherra um þetta og óskað eftir samstarfi og stuðningi. 

Mannvirkjamál 

Markmið: 

Það eru sterk rök sem falla með því að fjölgun gervigrasvalla sé eitt af lykilatriðunum í framþróun knattspyrnunnar á Íslandi. Ég vil því styðja þær aðgerðir að fjölga gervigrasvöllum um allt land og mæta þannig lengra keppnistímabili og þörf fyrir æfinga- og keppnisaðstöðu. 

Leiðir: 

1. Vera jákvætt þrýsti afl, m.a. með því að koma í heimsókn og hitta sveitarstjórnarfólk. Þetta hef ég þegar gert og mæli með þessari leið fyrir þá sem þess óska. 

2. Endurskoða regluverk KSÍ með tilliti til krafna UEFA, m.a. í sambandi við lýsingu og fleiri þætti. 

Jafnréttismál 

Markmið: 

Halda áfram að vinna að jafnréttismálum sambandsins og hreyfingarinnar. Margt hefur breyst til betri vegar en mikilvægt er að halda áfram að vinna að jafnrétti allra kynja. 

Leiðir: 

1. Bæta hlutfall kynja í nefndum og starfshópum á vegum KSÍ. 

2. Festa U21 / 23 ára lið kvenna í sessi. Þrýsta á UEFA um vettvang fyrir þennan aldurshóp. 

3. Halda áfram með verkefni sem stuðla að fjölgun kvenna í hreyfingunni. 

4. Fjölga kvenþjálfurum og kvendómurum. 

Þjóðarleikvangur 

Markmið: 

Að komin verði niðurstaða á þessu ári um framkvæmdina. 

Það er ljóst að ákveðin pattstaða hefur verið í gangi varðandi uppbyggingu Þjóðarleikvangs sem lengi hefur verið í umræðunni. Mikið hefur verið fundað um málið og KSÍ hefur beitt sér verulega í þeim efnum. 

Staðan er alvarleg og mikilvægt er að grípa til aðgerða. Við hjá KSÍ ásamt KKÍ og HSÍ höfum rætt málið við Ásmund Einar Daðason ráðherra sem tók mjög vel í okkar málflutning, sem ég er þakklát fyrir. Ég hef þó einnig skoðað fleiri möguleika og tel að við þurfum að vera opin fyrir öðrum hugmyndum. Tímasetning framkvæmda skiptir þar miklu máli. 

Leiðir: 

1. Funda með ríki og borg og fá fram ásættanlega niðurstöðu. 

2. Gangi liður 1 ekki eftir þarf að leita annarra leiða og funda með aðilum sem eru með aðrar lausnir. Ég hef þegar fundað með einum slíkum hópi.