LÓN og RAKEL gefa út lagið Runaway

Þökk sé heimsfaraldri var fyrsta plata LÓNs að mestu tekin upp í bílskúr í Garðabæ og í bústað við Þingvallavatn, en einangrunin frá umheiminum og nándin sem skapaðist milli hljómsveitarmeðlima hafði mikil áhrif á það hvernig platan hljómar. Útkoman var hljóðheimur sem vitnar í bandaríska americana, folk og singer/songwriter stemning í anda Nick Drake og Bon Iver.

Þriðja smáskífa LÓNs er lagið Runaway sem er eins konar hugleiðing um að búa á stað án þess að upplifa hann sem heimili sitt, vera utanveltu, föst í að leika eitthvað hlutverk til að þóknast öðrum og að passa inn í samfélagið.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.