Þetta kemur fram í tilkynningu frá Guðmundi Heiðari Helgusyni, upplýsingafulltrúa Strætó. Þar segir að í stað ferða á korters fresti yfir háannatímann, frá 7 til 9 og frá 15 til 18, verði ekið á hálftíma fresti allan daginn.
„Gripið er til þessarar skerðingar vegna fjölda vagnstjóra hjá Strætó bs. sem eru í sóttkví eða einangrun vegna COVID-19.“
Þá hefur veiran einnig áhrif á leiðir númer 58 og 82 á Snæfellsnesi, en morgunferðir leiðanna verða felldar niður vegna manneklu. Nánar er hægt að fylgjast með öllum frávikum frá skipulögðum leiðum Strætó á heimasíðunni straeto.is.
