Kýldi samherja á bekknum

Washington tapaði leiknum stórt, 56-14, og leikmenn liðsins voru verulega pirraðir á gangi mála. Í 2. leikhluta, þegar Cowboys var 28-7 yfir, byrjuðu Allen og Daron Payne að rífast á varamannabekknum.

Allen tók það óstinnt upp þegar Payne potaði í hann. Hann sló hendi hans í burtu og kýldi hann svo. Aðrir varnarmenn Washington stukku þá til og stíuðu þeim í sundur.

Eftir leikinn gerðu bæði Allen og Payne lítið úr atvikinu og sögðu það gleymt og grafið.

„Menn voru heitir og svona lagað gerist. Það þarf ekki eldflaugasérfræðing þegar þú sérð hvernig leikurinn fór,“ sagði Allen.

„Áttu bræður? Þið rífist, ekki satt? Þetta er allt í góðu lagi,“ sagði Payne. Þjálfari Washington, Ron Rivera, sagðist jafnframt að leikmennirnir myndu ekki fá sekt.

NFL er á Stöð 2 Sport en upplýsingar um útsendingar má finna hér. NFL er hluti af Stöð 2 Sport erlent sem kostar 3.990 krónur á mánuði. Beinar útsendingar frá öllum leikjum eru á NFL Game Pass sem hægt er að kaupa sem á 2.990 krónur á mánuði fyrir núverandi áskrifendur.