Jóhanna synti á HM og fær danskt nudd og sjúkraþjálfun

Jóhanna Elín synti á 55,27 sekúndum og varð í 34. sæti af 89 keppendum. Hún var hálfri sekúndu frá sínum besta tíma en hefði þurft að synda á 53,86 sekúndum til að komast áfram í undanúrslitin.

Þrír Íslendingar áttu keppnisrétt á HM en Ólympíufararnir Anton Sveinn McKee og Snæfríður Sól Jórunnardóttur ákváðu að taka ekki þátt.

Eyleifur Jóhannesson er með Jóhönnu í för, sem þjálfari og liðsstjóri. Í tilkynningu frá Sundsambandi Íslands kemur fram að sambandið njóti svo aðstoðar danska landsliðsins varðandi aðgang að nuddara og sjúkraþjálfara fyrir Jóhönnu.

Jóhanna syndir aftur á mánudaginn þegar hún keppir í 50 metra skriðsundi.