Bíó og sjónvarp

Nicolas Cage stígur í spor Nick Cage

Samúel Karl Ólason skrifar
Nicolas Cage og Pedra Pascal í hlutverkum Nick Cage og Javi.
Nicolas Cage og Pedra Pascal í hlutverkum Nick Cage og Javi.

Leikarinn og goðsögnin Nicolas Cage hefur á undanförnum árum verið þekktur fyrir að taka að sér nánast hvaða hlutverk sem er. Hann er nú komin í heilan hring og leikur útgáfu af sjálfum sér í sinni nýjustu kvikmynd, sem ber hinn hógværa titil: „Hin óbærilega þyngd brjálaðra hæfileika“, lauslega þýtt.

Á ensku heitir kvikmyndin „The Unbearable Weight of Massive Talent“.

Hún fjallar um mjög svo skuldsettan Nick Cage sem tekur einnar milljóna dala boði um að mæta í afmælisveislu spænsks auðjöfurs/glæpamanns, sem leikinn er af Pedro Pascal. Boðið vindur þó upp á sig og Cage er fenginn til að starfa á vegum Leyniþjónustu Bandaríkjanna (CIA).

Hér að neðan má sjá stiklu myndarinnar.

Í samtali við Entertainment Weekly segir Nic Cage að hann sé að leika tilbúna útgáfu af sér sem heiti „Nick Cage“. Hann eigi erfitt vegna þeirrar höfnunar sem hann hafi orðið fyrir í Hollywood.

„Þetta er ekki ég. Ég er nokkuð ánægður með allt,“ sagði Cage. Nic, ekki Nick.

Auk Pedro Pascal leika Neil Patrick Harris, Sharon Horgan, Lily Sheen og Tiffany Haddish í myndinni.

Bíó og sjónvarp


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.