Jólalag dagsins: Ellefu ára Svala flytur Ég hlakka svo til

Lífið ætlar að telja niður til jóla með fallegu jólalagi úr safninu á hverjum degi fram að jólum. Í dag, 14. desember, bjóðum við upp á algjöra klassík. Jólalag dagsins er nefnilega Ég hlakka svo til, vinsælasta jólalagið á vefnum okkar frá upphafi. 

Svala Björgvins flutti lagið Ég hlakka svo til í þættinum Jólaboð Afa á Stöð 2 árið 1988. Söngdívan okkar var þá aðeins ellefu ára gömul og söng sig svo sannarlega inn í hjörtu Íslendinga. Ógleymanlegur flutningur sem er orðinn fastur hluti af aðventunni hjá mörgum.