Ísland kom fyrir í furðulegu atriði Billie Eilish fyrir SNL

Reykvíska söngkonan Deb, þekkt sem „The toast of Iceland,“ var klædd í hvítan ísbjarnarkjól. Atriðið er einstaklega sérstakt en vegna tímaskorts var það ekki sýnt í þættinum á laugardagskvöld. Með hlutverk Deb fór engin önnur en söngkonan Billie Eilish. 

Billie Eilish kom líka fram sem hún sjálf í þættinum og söng lagið Male Fantasy. Söngkonan frumsýndi þar nýjan háralit og er orðin dökkhærð. Fallega flutninginn hennar á laginu má sjá í spilaranum hér fyrir neðan.