Lífið

Bjarndýr sem skortir jólaanda réðst á Rúdólf

Samúel Karl Ólason skrifar
Bjarndýr

Bjarndýr náðist á myndband ráðast á uppblásið hreindýr í Kaliforníu í vikunni. Á meðan húnninn réðst á Rúdólf fylgdist móðir hans með árás afkvæmis síns og virtist nokkrum sinnum við það að koma húninum til hjálpar.

Donna Hargett, sem tók myndbandið upp, segir atvikið hafa verið mjög hlægilegt. Hún segist nokkuð viss um að björninn hafi verið að vernda yfirráðasvæði sitt gegn þessar uppblásnu ógn.

Árásin, ef svo má kalla, átti sér stað í úthverfi Los Angeles sem kallast Monrovia. Þar eru íbúar nokkuð vanir bjarndýrum en Hargett segir að björn hafi eitt sinn komið inn um glugga hjá henni og meðal annars farið upp í rúmið hennar. Hún hafi ekki verið heima en fótspor hafi verið í rúminu, samkvæmt frétt CBS í Los Angeles.

Hún sagði þessi tvo bjarndýr sjást reglulega í hverfinu.

Dýr Bandaríkin


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.