Albert skoraði í sigri í Sambandsdeildinni

Albert kom hollenska liðinu yfir strax á 5. mínútu eftir stoðsendingu frá Jesper Karlsson og staðan var 1-0 í hálfleik.

Staðan breyttist raunar ekki fyrr en rétt tæpum fimm mínútum fyrir leikslok þegar Jesper Karlsson lagði upp sitt annað mark. Í þetta skipti var það Evangelos Pavlidis sem batt endahnútinn á sóknina, og tryggði AZ Alkmaar 2-0 sigur.

Albert og félagar eru í góðum málum í D-riðli, en liðið situr í efsta sæti með tíu stig, fimm stigum meira en Jablonec sem situr í öðru sæti. CGR Cluj rekur hins vegar lestina með aðeins eitt stig.