Býst við því að Xavi skrifi undir hjá Barcelona á allra næstu dögum

Samkvæmt Romano líta Börsungar svo á að það sé ekki spurning um hvort, heldur hvenær Xavi skrifi undir samning við liðið, en samningurinn hefur verið klár frá því í síðustu viku.

„Viðræðurnar á milli Barcelona og Xavi eru á lokastigi og hann er gríðarlega spenntur að koma til baka,“ segir Romano.

„Nánast allt er klárt, en enn er verið að vinna í uppsögn samningsins við Al Sadd.“

Xavi lék á sínum tíma yfir 500 deildarleiki fyrir Barcelona áður en hann gekk í raðir Al Sadd þar sem hann lauk ferli sínum. Hann lék 82 leiki fyrir félagið á árunum 2015 til 2019 áður en hann tók við þjálfun félagsins það sama ár.