Selma Sól Magnúsdóttir, leikmaður Breiðabliks, hefur verið kölluð inn í landsliðshópinn í stað Elínar Mettu en Selma á að baki 14 A-landsleiki.
Elín Metta Jensen hefur vegna meiðsla þurft að draga sig út úr hóp A kvenna fyrir leikina gegn Tékklandi og Kýpur í undankeppni HM 2023.
— Knattspyrnusambandið (@footballiceland) October 18, 2021
Í hennar stað kemur Selma Sól Magnúsdóttir, Breiðablik, inn í hópinn.#alltundir #dottir
Elín Metta, sem var aðalframherji Íslands í síðustu undankeppni, þegar liðið tryggði sér sæti á EM í Englandi, á við meiðsli að stríða. Hún missti einnig af leiknum við Holland í síðasta mánuði og var Berglind Björg Þorvaldsdóttir þá í fremstu víglínu.
Leikur Íslands við Tékkland á Laugardalsvelli á föstudaginn er sérstaklega mikilvægur en liðin koma til með að berjast um 2. sætið ef að Evrópumeistarar Hollands vinna riðilinn. Efsta liðið kemst beint á HM en næstefsta liðið í umspil.
Miðasala á leiki A kvenna gegn Tékklandi og Kýpur hefst í dag á https://t.co/iwyH4UEb7x!
— Knattspyrnusambandið (@footballiceland) October 18, 2021
Tékkland - kl. 12:00.
Kýpur - kl. 13:00.
Frítt er á leikinn fyrir 16 ára og yngri, en allir þurfa þó miða vegna COVID takmarkana.#alltundir #dottirhttps://t.co/lRs3SlnkhL pic.twitter.com/KYT4KreUdT
Ísland mætir svo botnliði Kýpur á þriðjudaginn eftir rúma viku en um er að ræða síðustu tvo heimaleiki Íslands í ár.
Hópurinn fyrir leikina á móti Tékklandi og Kýpur:
- -
- Sandra Sigurðardóttir - Valur - 37 leikir
- Cecilía Rán Rúnarsdóttir - Örebro - 3 leikir
- Telma Ívarsdóttir - Breiðablik
- -
- Hafrún Rakel Halldórsdóttir - Breiðablik - 3 leikir
- Elísa Viðarsdóttir - Valur - 40 leikir
- Guðný Árnadóttir - AC Milan - 11 leikir
- Glódís Perla Viggósdóttir - Bayern Munich - 94 leikir, 6 mörk
- Ingibjörg Sigurðardóttir - Valerenga - 38 leikir
- Guðrún Arnardóttir - Rosengard - 11 leikir
- Sif Atladóttir - Kristianstads DFF - 82 leikir
- Hallbera Guðný Gísladóttir - AIK - 120 leikir, 3 mörk
- -
- Dagný Brynjarsdóttir - West Ham - 93 leikir, 30 mörk
- Gunnhildur Yrsa Jónsdóttir - Orlando Pride - 81 leikur, 11 mörk
- Alexandra Jóhannsdóttir - Eintracht Frankfurt - 15 leikir, 2 mörk
- Karitas Tómasdóttir - Breiðablik - 5 leikir
- Berglind Rós Ágústsdóttir - Örebro - 3 leikir
- Karólína Lea Vilhjálmsdóttir - Bayern Munich - 8 leikir, 3 mörk
- -
- Berglind Björg Þorvaldsdóttir - Hammarby - 53 leikir, 7 mörk
- Agla María Albertsdóttir - Breiðablik - 38 leikir, 3 mörk
- Sveindís Jane Jónsdóttir - Kristianstads DFF - 9 leikir, 2 mörk
- Svava Rós Guðmundsdóttir - Bordeaux - 26 leikir, 1 mark
- Amanda Jacobsen Andradóttir - Valerenga - 1 leikur
- Selma Sól Magnúsdóttir - Breiðablik - 14 leikir, 1 mark
