Opna landamærin fyrir bólusetta 8. nóvember

Þetta markar nýja stefnu hjá Bandaríkjunum eftir að kórónuveirufaraldurinn hófst en landamærin hafa að miklu leyti verið nær alveg lokuð fyrir ferðamönnum, þar á meðal ferðamönnum frá Evrópu, Indlandi, Brasilíu og Kína. Þetta á þó aðeins við um bólusetta ferðalanga en bólusettir verða ekki velkomnir til Bandaríkjanna, alla vega ekki strax.

Samkvæmt þessu nýja kerfi munu bólusettir þurfa að sýna fram á neikvætt Covid-próf sem er ekki meira en 72 klukkustunda gamalt þegar þeir ferðast til Bandaríkjanna og þurfa svo að gefa upp upplýsingar svo hægt sé að ná í þá. Óbólusettum verður nær alveg ómögulegt að ferðast til landsins, nema auðvitað óbólusettum Bandaríkjamönnum, sem þurfa að fara í Covid-próf. 

Stefnan var fyrst kynnt 20. september en þá var ekki ljóst hvenær þetta tæki gildi.