Um 1000 vörur á tilboði

Sérstakir heilsudagar standa yfir í Fræinu í Fjarðarkaup frá 16. sept -2.okt og hægt að gera frábær kaup á fjölbreyttum heilsuvörum. Fræið er Heilsuvara vikunnar á Vísi.

„Heilsudagar hafa farið fram á hverju ári hjá okkur í september og þá leggjum við sérstaka áherslu á vinsælustu heilsuvörurnar og bjóðum frábær tilboð,“ segir Gísli Sigurbergsson, einn eigenda Fjarðarkaupa.

Um þúsund vörur eru á tilboði á Heilsudögum en Fræið geymir eitt mesta úrval landsins af heilsutengdum vörum.

„Við stofnuðum Fræið árið 2003 með það að markmiði að bjóða upp á fjölbreytt úrval af heilsuvörum og á góðu verði. Fræið er einskonar búð í búð og þar erum við með hátt í þrjúþúsund vörunúmer,“ segir Gísli.

Allt að 25% afsláttur af vinsælustu vörunum

„Hjá okkur eiga allir að geta fundið það sem hentar þeim. Vinsælustu heilsuvörurnar hjá okkur eru á 25 % afslætti þessa daga, það eru Now, Guli miðinn, Muna, Ecover, Jogi, Nuun, Sonett, Hansal Biona, Schar og Whole Earth.

Þá erum við með 20 % afslátt af vörum frá Key Natura og 15 % af vörum frá Atkins.

Starfsfólk okkar í Fræinu þekkir vörurnar út og inn og getur veitt ráðgjöf þeim sem þurfa. Við fylgjumst vel með því sem er í gangi og komum til móts við viðskiptavini sem velja lífrænt, vegan, keto, glútenlaust og þar fram eftir götunum og bætum við vöruúrvalið eftir því.“

Á heilsudögunum verður hægt að taka þátt í leikjum á samfélagsmiðlum Fjarðarkaupa og mögulega vinna gjafakörfur og fleira. Fylgist með Fjarðarkaupum á facebook og Instagram.