Sport

Djokovic í úrslit á Opna bandaríska | Getur orðið sá sigursælasti í sögunni

Sigurður Orri Kristjánsson skrifar
Djokovic getur orðið sigursælasti tenniskappi sögunnar með sigri á sunnudaginn
Djokovic getur orðið sigursælasti tenniskappi sögunnar með sigri á sunnudaginn EPA-EFE/JOHN G. MABANGLO

Novak Djokovic er kominn í úrslit á Opna bandaríska meistaramótinu í Tennis. Hann getur þar unnið sinn 21. titil og tekið fram úr þeim Roger Federer og Rafael Nadal þegar kemur að fjölda titla á risamótum. Djokovic yrði þar með sigursælasti tenniskappi sögunnar í karlaflokki.

Djokovic mætti í nótt Rússanum Alexander Zverev sem einmitt sigraði Djokovic á ólympíuleikunum í Tokyo í sumar. Eftir að hafa lent undir þá sigraði Djokovic í fimm settum. 4-6, 6-2, 6-4, 4-6, 6-2.

Djokovic getur einnið orðið sá fyrsti til þess að vera ríkjandi meistari allra risamótana á sama tíma síðan Ástralinn Rod Laver gerði það árið 1969.

Serbinn mætir öðrum Rússa í úrslitum. Daniil Medvedev sigraði hinn kanadíska Felix Auger-Aliassime í þremur settum fyrr um kvöldið. 6-4, 7-5, 6-2. Medvedev hefur aldrei unnið risamót á ferlinum en fær núna tækifæri til þess.

Opna bandaríska meistarmótið er eitt af fjórum risamótum í Tennis sem fara fram á hverju ári. Keppt er á Flushing Meadows vellinum í New York.

Tennis

Mest lesið


Fleiri fréttir

Sjá meira


×

Mest lesið