Oddvitaáskorunin: Kom á óvart hve fjölbreytt og skemmtilegt þingstarfið er Samúel Karl Ólason skrifar 9. september 2021 21:00 Vísir stendur fyrir Oddvitaáskoruninni 2021 þar sem skorað er á oddvita allra flokka í kjördæmum um land allt að taka þátt. Áskorunin felur í sér stutta kynningu og að svara nokkrum léttum spurningum. Helga Vala Helgadóttir leiðir lista Samfylkingarinnar í Reykjavíkurkjördæmi Norður í kosningunum. „Ég heiti Helga Vala er fædd og uppalin í miðborg Reykjavíkur. Ég gekk í Melaskóla, Hagaskóla og Menntaskólann við Hamrahlíð og útskrifaðist svo úr Leiklistarskóla Íslands 1998. Eftir störf hér og þar, í leiklist, fjölmiðlum, á meðferðarheimili fyrir unglinga, veitingageiranum og við kennslu í leiklist hóf ég nám við Lagadeild Háskólans í Reykjavík og lauk þar meistaragráðu árið 2011. Opnaði ég sama ár lögmannsstofuna Völvu í félagi við aðra lögmenn og starfaði sem lögmaður auk þess sem ég kenndi stjórnskipunarrétt fram að því sem ég settist á þing árið 2017. Loks var ég fram að þingmennsku umboðsmaður hinnar frábæru hljómsveitar Mammút.“ „Það kom mér helst á óvart við að setjast á þing hversu fjölbreytt og skemmtilegt þetta starf er. Ég hef lært alveg ótrúlega mikið á þessum fjórum árum sem liðin eru og hlakka mikið til áframhaldandi starfa nái ég kjöri. Ég hef verið heppin með verkefni, fengið að bera ríka ábyrgð sem formaður fastanefnda Alþingis, fyrst stjórnskipunar- og eftirlitsnefndar og svo Velferðarnefndar þrátt fyrir að vera í stjórnarandstöðu og fyrir það er ég þakklát. Vinnan í Covidfaraldri var auðvitað gríðarleg í Velferðarnefnd en sú nefnd hefur á sínu borði hvort tveggja heilbrigðismál sem og velferðarmál með atvinnuleysis og almannatryggingakerfið allt undir. Þá var ég líka í þingmannanefnd um málefni barna og gat þar nýtt vel þekkingu mína af málaflokknum frá lögmennskuárunum. Þegar ég starfaði sem lögmaður fékkst ég mest við ýmis réttindamál einstaklinga, var réttargæslumaður brotaþola í kynferðis- og heimilisofbeldismálum, annaðist réttargæslu fólks af erlendum uppruna sem ýmist var hér í leit að alþjóðlegri vernd sem og bara að sækja um leyfi til dvalar, var töluvert í fjölskyldumálum og hefur þetta ásamt menntun minni og fyrri reynslu hefur gagnast mér mjög mikið í störfum mínum á þingi. Ég er gift Grími Atlasyni, framkvæmdastjóra Geðhjálpar og bassaleikara og eigum við samtals fjögur börn, Snærós, Emil, Ástu Júlíu og Arnald, fjögur barnabörn, Blævi, Kára, Urði Völu og Tíbrá og ævintýraköttinn og mannvininn Júrí. Ég er mikil fjölskyldukona og samvera við mína ítölsku stórfjölskyldu það besta sem ég veit.“ Klippa: Oddvitaáskorun - Helga Vala Helgadóttir Hver er fallegasti staðurinn á Íslandi? Vestfirðir í allri sinni dýrð eru að mínu mati fallegasti staður á Íslandi. Hvað færðu þér í bragðaref? Kaffi, peps, tromp. Uppáhalds bók? Fer algjörlega eftir líðan minni þá og þá stundina. Akkúrat núna vil ég nefna Leitina að tilgangi lífsins eftir Viktor Frankl. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Skammast mín engan vegin fyrir að hafa gaman af allskonar tónlist. Tónlist er lífið! Hvar á Íslandi myndir þú helst vilja búa? (Ekki í þínu kjördæmi) Á stórbolungarvíkursvæðinu. Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi. Lagði parket, smíðaði skápa og lærði pínulítið að lifa af þeirri áþján að fara út skokka. Hvað tekur þú í bekk? 60kg. Burstar þú tennurnar fyrir eða eftir morgunmat? Fyrir. Draumastarfið? (Fyrir utan þingsetu) Akkúrat núna væri ég til í að starfa við að ferðast um heiminn og heimsækja lítil þorp. Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi? Heimurinn er ævintýri, leyfðu þínu fólki að upplifa frelsið og margbreytileikann. Uppáhalds tónlistarmaður? Ellen Kristjáns, John Grant og Sufjan Stevens, Mugison, Neil Young, Emiliana Torrini, Nick Cave og og og. Besti fimmaurabrandarinn? Einu sinni voru tveir tómatar á gangi yfir götu.... Ein sterkasta minningin úr æsku? Óteljandi minningar streyma fram, nefni hér minningar úr Þjóðleikhúsinu þar sem ég dundaði mér við að spjalla við konurnar á saumastofunni og í sminkinu á milli þess sem ég horfði á æfingar og leitaði að dóti sem áhorfendur höfðu misst úr vösum á milli bekkjanna í stóra salnum. Hver er fyrirmynd þín í pólitík? Lít til seiglu og baráttukrafts Jóhönnu Sigurðardóttur og persónutöfra og hugrekkis Ingibjargar Sólrúnar Gísladóttur. Besta íslenska Eurovision-lagið? Hatrið mun sigra með Hatara. Besta frí sem þú hefur farið í? Er alveg vonlaus í svona besta og versta en langsamlega besta sumarfríið á þessu ári var dásemdarfrí á Grikklandi. Uppáhalds þynnkumatur? Vantar alla fagmennsku í þessum málum en veit þó að það er ekkert gagn í banana og kaffi. Hve oft hefur þú farið að sjá eldgosið? Einu sinni alveg að gosi en oftar í nágrenni. Uppáhalds Fóstbræðraatriði? Klárlega kyntáknin í heita pottinum. Uppáhalds uppátækið frá framhaldsskólaárunum? Uppáhalds uppátækin voru sko fjölmörg en sérstakasta uppátækið var klárlega að hætta í skólanum í miðjum stúdentsprófum þegar ég komst inn í Leiklistarskólann. Rómantískasta uppátækið? Að stinga af... Oddvitaáskorunin Alþingiskosningar 2021 Reykjavíkurkjördæmi norður Samfylkingin Mest lesið Sviptir hulunni af þrettánda barni Musks Lífið Baltasar, Sunneva og Kilja litla njóta lífsins Lífið Þau komust áfram í úrslit Söngvakeppninar Lífið Tom Cruise og Ana de Armas sögð stinga saman nefjum Lífið Krakkatían: Eurovision, Góa og Gettu betur Lífið Þórdís Björk selur höllina á Arnarnesi Lífið Dúbaí-súkkulaðið umtalaða: „Þetta er galin sala“ Lífið „Við höfum það fyrir sið að faðmast í að lágmarki sjö sekúndur á hverjum morgni“ Lífið samstarf Móðirin ósátt við veru sonarins í Hvíta húsinu Lífið Barnaníðsmáli Jay-Z vísað frá Lífið Fleiri fréttir Tom Cruise og Ana de Armas sögð stinga saman nefjum Sviptir hulunni af þrettánda barni Musks Krakkatían: Eurovision, Góa og Gettu betur Þau komust áfram í úrslit Söngvakeppninar Baltasar, Sunneva og Kilja litla njóta lífsins Barnaníðsmáli Jay-Z vísað frá Fréttatía vikunnar: Mismæli, sakborningar og Elon Musk Dúbaí-súkkulaðið umtalaða: „Þetta er galin sala“ Bitist um miða á ball vinstri sinnaðs ábreiðubands Þórdís Björk selur höllina á Arnarnesi „Sorgleg þróun“ Líf og fjör í teiti 66°Norður í Kaupmannahöfn „Fann það á mér að það væri of mikil fórn“ Kanye og Censori séu við það að skilja Öðruvísi hugmyndir fyrir Valentínusardaginn Blár hvalur í kveðjugjöf „Geta tveir einstaklingar með svona ólíka lífssýn átt í hjónabandi?“ Russell Brand stefnt vegna kynferðislegrar áreitni Eyþór Wöhler hefur fundið ástina Björn Hlynur og Rakel slettu úr klaufunum Breytti lúxusíbúð frá 1985 í Efstaleitinu í risastóra lúxussvítu Von Trier lagður inn á hjúkrunarheimili Eldri borgarar á hraðstefnumóti í Bíó paradís Íslensku kryddpíurnar en hver er hvað? Móðirin ósátt við veru sonarins í Hvíta húsinu Öryrki um þrítugt vegna verkja en lyfjalaus í dag Draumurinn rættist en honum fylgdi skömm Taldi sig hólpna því síminn hringdi aldrei Tilhugsun um kynlíf á ný óbærileg Forsetahjónin mættu á frumsýningu Sigurvilja Sjá meira
Helga Vala Helgadóttir leiðir lista Samfylkingarinnar í Reykjavíkurkjördæmi Norður í kosningunum. „Ég heiti Helga Vala er fædd og uppalin í miðborg Reykjavíkur. Ég gekk í Melaskóla, Hagaskóla og Menntaskólann við Hamrahlíð og útskrifaðist svo úr Leiklistarskóla Íslands 1998. Eftir störf hér og þar, í leiklist, fjölmiðlum, á meðferðarheimili fyrir unglinga, veitingageiranum og við kennslu í leiklist hóf ég nám við Lagadeild Háskólans í Reykjavík og lauk þar meistaragráðu árið 2011. Opnaði ég sama ár lögmannsstofuna Völvu í félagi við aðra lögmenn og starfaði sem lögmaður auk þess sem ég kenndi stjórnskipunarrétt fram að því sem ég settist á þing árið 2017. Loks var ég fram að þingmennsku umboðsmaður hinnar frábæru hljómsveitar Mammút.“ „Það kom mér helst á óvart við að setjast á þing hversu fjölbreytt og skemmtilegt þetta starf er. Ég hef lært alveg ótrúlega mikið á þessum fjórum árum sem liðin eru og hlakka mikið til áframhaldandi starfa nái ég kjöri. Ég hef verið heppin með verkefni, fengið að bera ríka ábyrgð sem formaður fastanefnda Alþingis, fyrst stjórnskipunar- og eftirlitsnefndar og svo Velferðarnefndar þrátt fyrir að vera í stjórnarandstöðu og fyrir það er ég þakklát. Vinnan í Covidfaraldri var auðvitað gríðarleg í Velferðarnefnd en sú nefnd hefur á sínu borði hvort tveggja heilbrigðismál sem og velferðarmál með atvinnuleysis og almannatryggingakerfið allt undir. Þá var ég líka í þingmannanefnd um málefni barna og gat þar nýtt vel þekkingu mína af málaflokknum frá lögmennskuárunum. Þegar ég starfaði sem lögmaður fékkst ég mest við ýmis réttindamál einstaklinga, var réttargæslumaður brotaþola í kynferðis- og heimilisofbeldismálum, annaðist réttargæslu fólks af erlendum uppruna sem ýmist var hér í leit að alþjóðlegri vernd sem og bara að sækja um leyfi til dvalar, var töluvert í fjölskyldumálum og hefur þetta ásamt menntun minni og fyrri reynslu hefur gagnast mér mjög mikið í störfum mínum á þingi. Ég er gift Grími Atlasyni, framkvæmdastjóra Geðhjálpar og bassaleikara og eigum við samtals fjögur börn, Snærós, Emil, Ástu Júlíu og Arnald, fjögur barnabörn, Blævi, Kára, Urði Völu og Tíbrá og ævintýraköttinn og mannvininn Júrí. Ég er mikil fjölskyldukona og samvera við mína ítölsku stórfjölskyldu það besta sem ég veit.“ Klippa: Oddvitaáskorun - Helga Vala Helgadóttir Hver er fallegasti staðurinn á Íslandi? Vestfirðir í allri sinni dýrð eru að mínu mati fallegasti staður á Íslandi. Hvað færðu þér í bragðaref? Kaffi, peps, tromp. Uppáhalds bók? Fer algjörlega eftir líðan minni þá og þá stundina. Akkúrat núna vil ég nefna Leitina að tilgangi lífsins eftir Viktor Frankl. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Skammast mín engan vegin fyrir að hafa gaman af allskonar tónlist. Tónlist er lífið! Hvar á Íslandi myndir þú helst vilja búa? (Ekki í þínu kjördæmi) Á stórbolungarvíkursvæðinu. Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi. Lagði parket, smíðaði skápa og lærði pínulítið að lifa af þeirri áþján að fara út skokka. Hvað tekur þú í bekk? 60kg. Burstar þú tennurnar fyrir eða eftir morgunmat? Fyrir. Draumastarfið? (Fyrir utan þingsetu) Akkúrat núna væri ég til í að starfa við að ferðast um heiminn og heimsækja lítil þorp. Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi? Heimurinn er ævintýri, leyfðu þínu fólki að upplifa frelsið og margbreytileikann. Uppáhalds tónlistarmaður? Ellen Kristjáns, John Grant og Sufjan Stevens, Mugison, Neil Young, Emiliana Torrini, Nick Cave og og og. Besti fimmaurabrandarinn? Einu sinni voru tveir tómatar á gangi yfir götu.... Ein sterkasta minningin úr æsku? Óteljandi minningar streyma fram, nefni hér minningar úr Þjóðleikhúsinu þar sem ég dundaði mér við að spjalla við konurnar á saumastofunni og í sminkinu á milli þess sem ég horfði á æfingar og leitaði að dóti sem áhorfendur höfðu misst úr vösum á milli bekkjanna í stóra salnum. Hver er fyrirmynd þín í pólitík? Lít til seiglu og baráttukrafts Jóhönnu Sigurðardóttur og persónutöfra og hugrekkis Ingibjargar Sólrúnar Gísladóttur. Besta íslenska Eurovision-lagið? Hatrið mun sigra með Hatara. Besta frí sem þú hefur farið í? Er alveg vonlaus í svona besta og versta en langsamlega besta sumarfríið á þessu ári var dásemdarfrí á Grikklandi. Uppáhalds þynnkumatur? Vantar alla fagmennsku í þessum málum en veit þó að það er ekkert gagn í banana og kaffi. Hve oft hefur þú farið að sjá eldgosið? Einu sinni alveg að gosi en oftar í nágrenni. Uppáhalds Fóstbræðraatriði? Klárlega kyntáknin í heita pottinum. Uppáhalds uppátækið frá framhaldsskólaárunum? Uppáhalds uppátækin voru sko fjölmörg en sérstakasta uppátækið var klárlega að hætta í skólanum í miðjum stúdentsprófum þegar ég komst inn í Leiklistarskólann. Rómantískasta uppátækið? Að stinga af...
Oddvitaáskorunin Alþingiskosningar 2021 Reykjavíkurkjördæmi norður Samfylkingin Mest lesið Sviptir hulunni af þrettánda barni Musks Lífið Baltasar, Sunneva og Kilja litla njóta lífsins Lífið Þau komust áfram í úrslit Söngvakeppninar Lífið Tom Cruise og Ana de Armas sögð stinga saman nefjum Lífið Krakkatían: Eurovision, Góa og Gettu betur Lífið Þórdís Björk selur höllina á Arnarnesi Lífið Dúbaí-súkkulaðið umtalaða: „Þetta er galin sala“ Lífið „Við höfum það fyrir sið að faðmast í að lágmarki sjö sekúndur á hverjum morgni“ Lífið samstarf Móðirin ósátt við veru sonarins í Hvíta húsinu Lífið Barnaníðsmáli Jay-Z vísað frá Lífið Fleiri fréttir Tom Cruise og Ana de Armas sögð stinga saman nefjum Sviptir hulunni af þrettánda barni Musks Krakkatían: Eurovision, Góa og Gettu betur Þau komust áfram í úrslit Söngvakeppninar Baltasar, Sunneva og Kilja litla njóta lífsins Barnaníðsmáli Jay-Z vísað frá Fréttatía vikunnar: Mismæli, sakborningar og Elon Musk Dúbaí-súkkulaðið umtalaða: „Þetta er galin sala“ Bitist um miða á ball vinstri sinnaðs ábreiðubands Þórdís Björk selur höllina á Arnarnesi „Sorgleg þróun“ Líf og fjör í teiti 66°Norður í Kaupmannahöfn „Fann það á mér að það væri of mikil fórn“ Kanye og Censori séu við það að skilja Öðruvísi hugmyndir fyrir Valentínusardaginn Blár hvalur í kveðjugjöf „Geta tveir einstaklingar með svona ólíka lífssýn átt í hjónabandi?“ Russell Brand stefnt vegna kynferðislegrar áreitni Eyþór Wöhler hefur fundið ástina Björn Hlynur og Rakel slettu úr klaufunum Breytti lúxusíbúð frá 1985 í Efstaleitinu í risastóra lúxussvítu Von Trier lagður inn á hjúkrunarheimili Eldri borgarar á hraðstefnumóti í Bíó paradís Íslensku kryddpíurnar en hver er hvað? Móðirin ósátt við veru sonarins í Hvíta húsinu Öryrki um þrítugt vegna verkja en lyfjalaus í dag Draumurinn rættist en honum fylgdi skömm Taldi sig hólpna því síminn hringdi aldrei Tilhugsun um kynlíf á ný óbærileg Forsetahjónin mættu á frumsýningu Sigurvilja Sjá meira