Róbert Ísak stór­bætti Ís­lands­metið

Róbert Ísak synti á 2:12,89 mínútum í dag og stórbætti þar með eigið Íslandsmet í greininni. Fyrir átti hann best 2:14,16 og bætti Róbert Ísak því metið töluvert.

Í undanrásunum synti Róbert Ísak á 2:15,37 mínútum og bætti því þann tíma um næstum tvær og hálfa sekúndu.

Var þetta síðasta sund Róberts Ísak á Ólympíumótinu í Tókýó. Alls tók hann þátt í þremur greinum á mótinu. Hann endaði í sjötta sæti í 100 metra flugsundi, tíunda sæti í 100 metra bringusundi og nú sjötta sæti í 200 metra fjórsundi.