Ronaldo búinn að biðja um sölu frá Juventus

Íþróttafréttamaðurinn Fabrizio Romano er einn af þeim sem greinir frá þessu á Twitter síðu sinni og Gianluca Di Marzio, kollegi Romano, segir að formlegt tilboð frá Manchester City sé væntanlegt á næstu klukkutímum.

Þá hafa einnig borist fregnir af því að umboðsmaður Ronaldo hafi verið í viðræðum við forráðamenn Manchester City og Juventus.

Ronaldo er einn allra mesti markahrókur knattspyrnusögunnar, en hann hefur skorað 783 mörk í 1073 leikjum fyrir félagslið sín og Portúgalska landsliðið.