Eins og að vera nöguð að innan: „Ég hélt að mér yrði alltaf illt í maganum“ Sylvía Rut Sigfúsdóttir skrifar 18. ágúst 2021 12:31 Veronika Kristín Jónasdóttir er með krónískan sjúkdóm sem kallast Crohn's. Ísland í dag Veronika Kristín Jónasdóttir byrjaði að finna fyrir magaverkjum árið 2006, hún lýsir verkjunum þannig að það hafi verið eins og einhver væri að naga hana að innan. Verkirnir skánuðu ekki með tímanum og þegar það byrjaði að blæða mikið frá endaþarmi stóð henni ekki á sama og leitaði sér hjálpar, hún segist ekki hafa verið tekin alvarlega af læknum fyrst um sinn og greiningarferlið hafi tekið sinn tíma. „Ég fer fljótlega til meltingarsérfræðings. Það var kona sem tók á móti mér og hún var frekar óviss um að það væri eitthvað að og kannski gerði smá lítið úr aðstæðunum.“ Í ristilspeglun voru þó augljósar bólgur til staðar og sár í ristlinum. „Þá var mér sagt að ég væri með sjúkdóm og þyrfti lyf til frambúðar en ekkert meira.“ Feimnismál í menntaskóla Sjúkdómurinn sem Veronika þjáist af kallast Chron's og getur valdið bólgum, krömpum og blæðingum. Þó að greiningarferlið hafi verið langt var léttir að vita hvað væri að valda blæðingunum. „Manni langaði að fá lausn á vandamálinu. Ég hélt að mér yrði alltaf illt í maganum. Það var mjög róandi að fá eitthvað sem ég gat skoðað.“ Veronika var unglingur á þessum tíma og vildi ekki leita hjálpar hjá öðrum í sömu stöðu heldur las sér til á netinu. „Þetta var svo mikið feimnismál, þetta snýst um klósettferðir og þetta voru kannski fimmtán til tuttugu klósettferðir á dag. Ég var í menntaskóla á þessum tíma og var mikil gelgja og skvísa og ætlaði ekkert að fara að tala um eitthvað svona.“ Eva Laufey Kjaran settist niður með Veroniku á dögunum og má horfa á viðtalið í spilaranum hér fyrir neðan. Hamlandi sjúkdómur Veronika hefur talað opinskátt um það hvernig það er að lifa með þennan króníska sjúkdóm. Í byrjun áttaði hún sig samt ekki alveg á því að þetta væri til frambúðar. „Þegar ég var yngri var ég svolítið þessi kærulausa týpa. Ég var jákvæð og svolítið fiðrildi. Ég gerði bara svolítið grín að aðstæðunum mínum.“ Meira að segja hennar bestu vinkonur vissu ekki hversu alvarlegar aukaverkanirnar voru. „Árið 2020 fer ég að finna að þetta er að hamla mér og ég er ekki að gera hluti sem ég myndi annars gera. Þá fer ég í andlega vinnu og læri hvað ég get gert.“ Andlegar afleiðingar Veronika segir að eftir bakslagið sem hún fékk 2020 þá hafi hún farið að hlusta meira á sjálfa sig og eigin líðan. Að hennar mati þarf að vera eitthvað sem grípur einstaklinga við greiningu. „Þegar ég lít til baka finnst mér vanta net fyrir svona ungt fólk að greinast með langtímasjúkdóma, hvort sem það er heilsumarkþjálfi eða sálfræðingur. Til að fara í gegnum næstu skref og hvernig þú getur verið jákvæður og skemmtilegur og lifað lífinu.“ Hún segir að það sé mjög auðvelt að sogast inn í neikvæðni og sjálfsvorkun í svona aðstæðum. „Það er ýmislegt sem getur komið á eftir. Það er einmitt ekki bara það að vera líkamlega veikur, þú verður andlega veikur líka. Það er sannað að fólk með þessa sjúkdóma er gjarnara á að finna fyrir þunglyndi og kvíða í framhaldi ef það fær ekki viðeigandi aðstoð.“ Veronika opnaði nýverið Instagram-síðuna Krónísk þar sem hún deilir sinni reynslu og upplifun í þeirri von um að hjálpa öðrum og skapa samfélag fyrir þá sem glíma við króníska sjúkdóma. „Það er fullt af fólki sem hefur sent mér skilaboð og þakkað mér.“ Sögu Veroniku má heyra í spilaranum hér ofar í fréttinni. Heilsa Kvenheilsa Ísland í dag Mest lesið Neistalaus trekantur leiðinlega fólksins Gagnrýni „Þetta er auðvitað klisja en hann var fullkominn“ Lífið Bezos færir brúðkaupið vegna mótmæla Lífið Ólafur Darri og Hera Hilmars halda áfram að heilla heiminn Bíó og sjónvarp Zendaya sást í miðbænum Lífið Fyrsta fjölbragðaglímufélag landsins stefnir á sýningu Lífið Stjörnum prýtt brúðkaup landsliðsmanns í Grikklandi Lífið „Ætlaði að halda þessu leyndu“ Lífið Sumarleg og saðsöm salöt Lífið Glæsilegustu gellur Garðabæjar skáluðu á Garðatorgi Lífið Fleiri fréttir Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Orri Steinn og Sylvía Rós eignuðust stúlku á þjóðhátíðardaginn Sumarleg og saðsöm salöt Verðlaunahús í Þingholtunum falt fyrir 239 milljónir Hálfmaraþon í hamingjusprengju eftir fótbrot í fyrra Glæsilegustu gellur Garðabæjar skáluðu á Garðatorgi „Ætlaði að halda þessu leyndu“ Heillandi heimili á Kársnesinu fyrir 236 milljónir „Fallegur fjölskyldusamruni“ Feneyjabúar æfir yfir glæsibrúðkaupi Bezos Stjörnum prýtt brúðkaup landsliðsmanns í Grikklandi Barnahátíðin Kátt snýr aftur Stjörnulífið: Laufey á Íslandi og stjörnubrúðkaup í Grikklandi Þegar stjórnvöld úðuðu efnum yfir almenning Málaði loftið í lit sem minnir á skólajógúrt Umbreyta Þjóðleikhúskjallaranum í kabarettklúbbinn Kit Kat „Þetta er bara það sem mig hefur langað alla ævi“ Krakkatían: Leðurblökumaðurinn, Elli Egils og 17. júní Eitt lag með eiginmanninum varð að vínylplötu „Eini maðurinn sem er bókaður í golf undir dauðahótunum“ Íslensk áhöfn tekur þátt í endurvakningu Pan Am Þingkonur hlutu blessun Leós páfa Bregðast við bakslagi með Hinsegin Hrísey Fréttatía vikunnar: Fálkaorður, friðlýsing og húðflúr Myndaveisla: Þær voru fjallkonur um land allt í ár Færa Vestur-Íslendingum rausnarlega afmælisgjöf Kemst ekki inn í landið og Hafdís þarf að bíða Sjá meira
Verkirnir skánuðu ekki með tímanum og þegar það byrjaði að blæða mikið frá endaþarmi stóð henni ekki á sama og leitaði sér hjálpar, hún segist ekki hafa verið tekin alvarlega af læknum fyrst um sinn og greiningarferlið hafi tekið sinn tíma. „Ég fer fljótlega til meltingarsérfræðings. Það var kona sem tók á móti mér og hún var frekar óviss um að það væri eitthvað að og kannski gerði smá lítið úr aðstæðunum.“ Í ristilspeglun voru þó augljósar bólgur til staðar og sár í ristlinum. „Þá var mér sagt að ég væri með sjúkdóm og þyrfti lyf til frambúðar en ekkert meira.“ Feimnismál í menntaskóla Sjúkdómurinn sem Veronika þjáist af kallast Chron's og getur valdið bólgum, krömpum og blæðingum. Þó að greiningarferlið hafi verið langt var léttir að vita hvað væri að valda blæðingunum. „Manni langaði að fá lausn á vandamálinu. Ég hélt að mér yrði alltaf illt í maganum. Það var mjög róandi að fá eitthvað sem ég gat skoðað.“ Veronika var unglingur á þessum tíma og vildi ekki leita hjálpar hjá öðrum í sömu stöðu heldur las sér til á netinu. „Þetta var svo mikið feimnismál, þetta snýst um klósettferðir og þetta voru kannski fimmtán til tuttugu klósettferðir á dag. Ég var í menntaskóla á þessum tíma og var mikil gelgja og skvísa og ætlaði ekkert að fara að tala um eitthvað svona.“ Eva Laufey Kjaran settist niður með Veroniku á dögunum og má horfa á viðtalið í spilaranum hér fyrir neðan. Hamlandi sjúkdómur Veronika hefur talað opinskátt um það hvernig það er að lifa með þennan króníska sjúkdóm. Í byrjun áttaði hún sig samt ekki alveg á því að þetta væri til frambúðar. „Þegar ég var yngri var ég svolítið þessi kærulausa týpa. Ég var jákvæð og svolítið fiðrildi. Ég gerði bara svolítið grín að aðstæðunum mínum.“ Meira að segja hennar bestu vinkonur vissu ekki hversu alvarlegar aukaverkanirnar voru. „Árið 2020 fer ég að finna að þetta er að hamla mér og ég er ekki að gera hluti sem ég myndi annars gera. Þá fer ég í andlega vinnu og læri hvað ég get gert.“ Andlegar afleiðingar Veronika segir að eftir bakslagið sem hún fékk 2020 þá hafi hún farið að hlusta meira á sjálfa sig og eigin líðan. Að hennar mati þarf að vera eitthvað sem grípur einstaklinga við greiningu. „Þegar ég lít til baka finnst mér vanta net fyrir svona ungt fólk að greinast með langtímasjúkdóma, hvort sem það er heilsumarkþjálfi eða sálfræðingur. Til að fara í gegnum næstu skref og hvernig þú getur verið jákvæður og skemmtilegur og lifað lífinu.“ Hún segir að það sé mjög auðvelt að sogast inn í neikvæðni og sjálfsvorkun í svona aðstæðum. „Það er ýmislegt sem getur komið á eftir. Það er einmitt ekki bara það að vera líkamlega veikur, þú verður andlega veikur líka. Það er sannað að fólk með þessa sjúkdóma er gjarnara á að finna fyrir þunglyndi og kvíða í framhaldi ef það fær ekki viðeigandi aðstoð.“ Veronika opnaði nýverið Instagram-síðuna Krónísk þar sem hún deilir sinni reynslu og upplifun í þeirri von um að hjálpa öðrum og skapa samfélag fyrir þá sem glíma við króníska sjúkdóma. „Það er fullt af fólki sem hefur sent mér skilaboð og þakkað mér.“ Sögu Veroniku má heyra í spilaranum hér ofar í fréttinni.
Heilsa Kvenheilsa Ísland í dag Mest lesið Neistalaus trekantur leiðinlega fólksins Gagnrýni „Þetta er auðvitað klisja en hann var fullkominn“ Lífið Bezos færir brúðkaupið vegna mótmæla Lífið Ólafur Darri og Hera Hilmars halda áfram að heilla heiminn Bíó og sjónvarp Zendaya sást í miðbænum Lífið Fyrsta fjölbragðaglímufélag landsins stefnir á sýningu Lífið Stjörnum prýtt brúðkaup landsliðsmanns í Grikklandi Lífið „Ætlaði að halda þessu leyndu“ Lífið Sumarleg og saðsöm salöt Lífið Glæsilegustu gellur Garðabæjar skáluðu á Garðatorgi Lífið Fleiri fréttir Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Orri Steinn og Sylvía Rós eignuðust stúlku á þjóðhátíðardaginn Sumarleg og saðsöm salöt Verðlaunahús í Þingholtunum falt fyrir 239 milljónir Hálfmaraþon í hamingjusprengju eftir fótbrot í fyrra Glæsilegustu gellur Garðabæjar skáluðu á Garðatorgi „Ætlaði að halda þessu leyndu“ Heillandi heimili á Kársnesinu fyrir 236 milljónir „Fallegur fjölskyldusamruni“ Feneyjabúar æfir yfir glæsibrúðkaupi Bezos Stjörnum prýtt brúðkaup landsliðsmanns í Grikklandi Barnahátíðin Kátt snýr aftur Stjörnulífið: Laufey á Íslandi og stjörnubrúðkaup í Grikklandi Þegar stjórnvöld úðuðu efnum yfir almenning Málaði loftið í lit sem minnir á skólajógúrt Umbreyta Þjóðleikhúskjallaranum í kabarettklúbbinn Kit Kat „Þetta er bara það sem mig hefur langað alla ævi“ Krakkatían: Leðurblökumaðurinn, Elli Egils og 17. júní Eitt lag með eiginmanninum varð að vínylplötu „Eini maðurinn sem er bókaður í golf undir dauðahótunum“ Íslensk áhöfn tekur þátt í endurvakningu Pan Am Þingkonur hlutu blessun Leós páfa Bregðast við bakslagi með Hinsegin Hrísey Fréttatía vikunnar: Fálkaorður, friðlýsing og húðflúr Myndaveisla: Þær voru fjallkonur um land allt í ár Færa Vestur-Íslendingum rausnarlega afmælisgjöf Kemst ekki inn í landið og Hafdís þarf að bíða Sjá meira