Barbára var lánuð til Bröndby frá Selfossi fyrir viku síðan og mætti beint í byrjunarliðið fyrir leikinn við HB Köge í dag. Bæði lið voru með þrjú stig eftir fyrstu umferðina eftir 5-1 sigur Bröndby á Kolding og 3-1 sigur Köge á Thy Thisted.
Startopstillingen til dagens brag mod HB Køge.
— Brøndby IF Women (@Brondbywomen) August 11, 2021
Husk, at du kan se kampen på TV3 Sport - og ellers kan du følge kampen i vores liveopdateringer, her på Twitter. pic.twitter.com/PBG9SLn2Kd
Barbára Sól var að mæta gömlum félaga sínum í dag en bandaríski markvörðurinn Kaylan Marckese stóð milli stanga Köge. Hún spilaði með Selfossi síðasta sumar.
Markalaust var í hálfleik í leik dagsins en hin bandaríska Kelly Fitzgerald kom HB Köge í forystu þegar rúmur stundarfjórðungur var liðinn af síðari hálfleik með marki eftir hornspyrnu.
Átta mínútum síðar, á 69. mínútu, tvöfaldaði landa hennar Maddie Pokorny svo forystu meistaranna eftir skyndisókn.
Fleiri mörk voru ekki skoruð í leiknum og heimakonur unnu 2-0 sigur. Þær eru því með fullt hús stiga eftir tvo leiki en Bröndby er með þrjú stig.
