Funda með umboðsmanni Dembele í næstu viku

Spænskir fjölmiðlar greinia frá þessu en Dembele á eitt ár eftir af samningi sínum hjá spænska risanum.

Börsungar vilja skera niður launakostnaðinn hjá sér og Dembele er sagður vilja burt svo hann gæti yfirgefið félagið í sumar.

Dembele var keyptur til félagsins fyrir 124 milljónir punda en hefur langt í frá staðið undir þeim væntingum sem gerðar voru til hans.

Dembele er nú að jafna sig af meiðslum sem hann varð fyrir á EM í sumar en hann meiddist í riðlakeppninni með Frökkum gegn Ungverjum.

Hann mun ekki verða klár í slaginn á ný fyrr en í október.