Nýr forsætisráðherra heitir því að sameina þjóðina

Bennett, sem er þjóðernissinnaður hægrimaður mun nú leiða samsteypustjórn afar ólíkra flokka en samkomulag um það náðist á dögunum sem þýðir að Benjamín Netanjahú, sá sem lengst hefur setið í embættinu, er nú horfinn úr ríkisstjórn og kominn í stjórnarandstöðu. 

Bennett verður í embættinu næstu tvö árin en þá mun Yair Lapid taka við. Hann fer fyrir miðflokknum Yesh Atid. 

Nýja samsteypustjórnin var samþykkt á ísraelska þinginu í gær með minnsta mögulega mun, 60 atkvæðum gegn 59 og sat einn þingmaður hjá. Það er því ljóst að lítið þarf út af að bregða til að stjórnin falli.