Fótbolti

Reyna að stela Wijn­aldum fyrir framan nefið á Barcelona

Anton Ingi Leifsson skrifar
Wijnaldum í vináttulandsleik gegn Skotum á dögunum en Hollendingar eru á leið á EM í sumar.
Wijnaldum í vináttulandsleik gegn Skotum á dögunum en Hollendingar eru á leið á EM í sumar. Broer van den Boom/Getty

Samkvæmt fjölmiðlamanninum Fabrizio Romano reynir PSG nú að semja við miðjumannin Georginio Wijnaldum en hann er samningslaus í sumar.

Wijnaldum er að yfirgefa Liverpool eftir margra ára veru í Englandi og það benti allt til þess að hann myndi ganga í raðir Barcelona.

Hann hefur sjálfur staðfest að vera í viðræðum við Barcelona en ESPN og Fabrizio greina frá því að PSG geti greitt Wijnaldum hærri laun.

Fabrizio greinir einnig frá því að ákvörðun Wijnaldum muni liggja fyrir á næstu dögum og bæði félög bíði spennt eftir ákvörðun hans.

Barcelona vonaðist til að Hollendingurinn myndi skrifa undir samning við félagið til ársins 2024 og var tilbúið með læknisskoðun í næstu viku.

Spænski boltinn Franski boltinn

Mest lesið


Fleiri fréttir

Sjá meira


×

Mest lesið