BBQ kóngurinn: Reykt Texas-kalkúnabringa með BBQ-sinnepssósu

Hér fyrir neðan er hægt að sjá klippu og uppskrift frá fyrsta þætti BBQ-kóngsins þar sem Alfreð töfrar fram grinilega grillaða kalkúnabringu. 

Reykt Texas-kalkúnabringa með BBQ-sinnepssósu

• Kalkúnabringa
• • 700 g kalkúnabringa
  • 100 g smjör
  • 2 hlutar pipar og 1 hluti salt
  • 1 lófafylli af eplaviðarspæni
  • BBQ-sinnepssósaa

• Aðferð

1. Kyndið grillið í 110 gráður.
2. Blandið saman salti og pipar og kryddið bringuna vel.
3. Setjið bringuna á grillið á óbeinan hita og setjið eplaviðarspæni beint á kolin eða í reykbox.
4. Reykið bringuna í 30 mínútur og pakkið henni svo inn í þykkt lag af álpappír ásamt 100 grömmum af smjöri. Eldið í 1½ tíma eða þar til hún hefur náð 70 gráðum í kjarnhita.
5. Takið bringuna af grillinu og leyfið henni að hvíla í álpappírnum í 30-60 mínútur.

• BBQ-sinnepssósa - passar einstaklega vel með kalkún
• • 1 dl gult sinnep
  • 1 dl dökkur púðursykur
  • ½ dl edik
  • 2 tsk Worchestersósa
  • 1 tsk salt
  • 1 tsk nýmalaður svartur pipar

• Aðferð

1. Blandið öllum hráefnunum saman í skál og smakkið til með salti og pipar.

Fyrir áhugasama er hægt að nálgasta alla þætti BBQ kóngsins á Stöð 2+.