Íslensku stelpurnar í riðli með Evrópumeisturum Hollands

Óskar Ófeigur Jónsson skrifar 30. apríl 2021 12:03

Sara Björk Gunnardóttir og félagar í íslenska landsliðinu fá krefjandi verkefni í undankeppni HM. VÍSIR/VILHELM

Í dag kom í ljós hvernig riðill íslenska kvennalandsliðsins mun líta út í undankeppni heimsmeistarakeppninnar 2023. Íslenska liðið lenti í riðli með einu besta landsliði heims.

Það er ekki hægt að setja að íslensku stelpurnar hafi verið heppnar með riðil fyrir næstu undankeppni HM þegar dregið var i dag.

Íslenska kvennalandsliðið í fótbolta lenti í riðli með Evrópumeisturum Hollendinga sem fór alla leið í úrslitaleikinn á síðasta heimsmeistaramóti.

Íslenska liðið er einnig í riðli með Tékklandi en eins og Holland var efsta liðið í fyrsta styrkleikaflokki þá var Tékkland efsta liðið í þriðja styrkleikaflokki.

Hin liðin í íslenska riðlinum eru Hvíta Rússland og Kýpur en Ísland er í einum af þremur fimm þjóða riðlum.

Riðlarnir líta þannig út fyrir undankeppni HM 2023:

A-riðill
Svíþjóð
Finnland
Írland
Slóvakía
Georgía
-
B-riðill
Spánn
Skotland
Úkraína
Ungverjaland
Færeyjar
-
C-riðill
Holland
Ísland
Tékkland
Hvíta Rússland
Kýpur
-
D-riðill
England
Austurríki
Norður Írland
Norður Makedónía
Lettland
Lúxemborg
-
E-riðill
Danmörk
Rússland
Bosnía og Hersegóvína
Aserbaídsjan
Malta
Svartfjallaland
-
F-riðill
Noregur
Belgía
Pólland
Albanía
Kosovó
Armenía
-
G-riðill
Ítalía
Sviss
Rúmenía
Króatía
Moldóva
Litháen
-
H-riðill
Þýskaland
Portúgal
Serbía
Ísrael
Tyrkland
Búlgaría
-
I-riðill
Frakkland
Wales
Slóvenía
Grikkland
Kasakstan
Eistland

Ísland var í öðrum styrkleikaflokki í drættinum ásamt Belgíu, Sviss, Austurríki, Skotlandi, Rússlandi, Finnlandi, Wales og Portúgal, en styrkleikaflokkarnir voru sex og liðin 51 talsins. Dregið var í níu riðla, þrír riðlar eru með fimm lið en sex riðlar sex lið.

Undankeppninni er skipt í tvo hluta. Riðlakeppnin fer fram á einu ári, frá september 2021 til september 2022 og umspilið verður svo leikið í október 2022. Þau níu lið sem vinna sína riðla komast beint áfram í lokakeppnina.

Liðin níu sem enda í öðru sæti síns riðils fara í umspil í október þar sem leikið verður um tvö laus sæti í lokakeppninni, ásamt einu sæti í sérstakri umspilskeppni þar sem þjóðir frá öllum heimsálfum taka þátt og keppa um þrjú laus sæti í lokakeppninni.

HM 2023 í Ástralíu og Nýja-Sjálandi

Mest lesið

Fleiri fréttir