Deildakeppni í körfubolta lokið tíunda maí

Æfinga- og keppnisbanni vegna kórónuveirufaraldursins var aflétt í dag og körfuboltafólk ætlar ekki að bíða lengi með að hefja keppni á nýjan leik, og það með trukki.

Sex umferðir eru eftir af hvorri Dominos-deild og verður spilað svo þétt að allri deildakeppni á að vera lokið 10. maí. Í kjölfarið hefst svo úrslitakeppnin en það skýrist á næstu dögum á hvaða dögum hún verður spiluð.

Leikjaplanið í deildunum er því sem hér segir:

• Domino's deild karla hefst á ný 22. apríl og lýkur 10. maí
• Domino's deild kvenna hefst á ný 21. apríl og lýkur 8. maí
• 1. deild karla hefst á ný 23. apríl og lýkur 3. maí
• 1. deild kvenna hefst á ný 21. apríl og lýkur 8. maí