Mörkin sem hafa ráðið úrslitum í leikjum Hauka og FH undanfarin ár

Það hefur verið mikil spenna í innbyrðisleikjum Hafnarfjarðarliðanna undanfarin ár og það hefur verið skorað úrslitamark í fjórum af síðustu fimm leikjum liðanna.

FH-ingar taka á móti nágrönnum sínum í Haukum í Kaplakrika í kvöld en þetta er ekki aðeins Hafnarfjarðarslagur heldur einnig leikur milli tveggja efstu liða deildarinnar.

Leikur kvöldsins verður að sjálfsögðu í beinni útsendingu á Stöð 2 Sport en útsendingin hefst klukkan 19.30 en leikurinn svo tíu mínútum síðar.

Í tilefni af leik kvöldsins þá hefur Vísir sett saman myndband með mörkunum fjórum sem hafa ráðið úrslitum í fjórum af síðustu fimm leikjum Hauka og FH.

Í þremur tilfellum tryggði umrætt úrslitamark liði jafntefli en eitt þeirra var sigurmark.

Jöfnunarmörkin skoruðu FH-ingarnir Jóhann Birgir Ingvarsson og Einar Rafn Eiðsson sem og Haukamaðurinn Adam Haukur Baumruk. Sigurmarkið skoraði FH-ingurinn Óðinn Þór Ríkharðsson.

Hér fyrir ofan má sjá myndband með mörkunum sem hafa ráðið úrslitum í leikjum Hauka og FH undanfarin ár.

Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.